Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Выль воӧн!

Выль воӧн!

Коми Республикаын пыдди пуктана олысьяс!

Чолӧмалам тіянӧс чуймӧдана гажа праздникъясӧн – Выль воӧн да Рӧштвоӧн!

Выль во да Рӧштво – абу сӧмын праздникъяс, тайӧ лунъясӧ ми ставным виччысям олӧмсьыс мойдын кодь вежсьӧмъяс. Курантлӧн шы улӧ вомгорулын шӧпкӧдам дум-кӧсйӧмнымӧс, сиам ёрта-ёртлы став бурсӧ.

Важ воас ми колям став ковтӧмсӧ да омӧльсӧ, а выляс босьтам аскӧдным бур йывсьыс казьтылӧмъяс – сійӧс, мый нимкодьӧдіс миянӧс, кыпӧдіс ловнымӧс, лоис тӧдчанаӧн да колис вежӧрӧ.

2016 воас Коми Республика пасйис ассьыс 95 вося юбилей, а Сосногорскысь биару переработайтан миян заводлы тырис 75 во. Нӧшта ӧтчыдысь чолӧмалам Комиын олысь войтырӧс тайӧ тӧдчана пасъяснас!

А выльвося кыпыд праздникъяс водзын окота сины ставлы крепыд дзоньвидзалун, гажлун, мед збыль- масны кӧсйӧмъясныд. Мед быдӧнлӧн олӧмас унджык лоис югыд луныс, мед быдлаын ыджыдалісны муслун да шуд, а став лёкыс да майшӧдланаыс бокиті кытшовтісны.

Ю.Л.Дегтев,

Сосногорскса биару переработайтан заводысь директор.

М.С.Прибыловский,

Сосногорскса ГПЗ-ысь профсоюз котырӧн веськӧдлысь.

KM 15 1

Коми Республикаын пыдди пуктана олысьяс!

Сьӧлӧмсянь чолӧмала тіянӧс матыстчысь праздникъясӧн – Выль воӧн да Рӧштвоӧн!

Миян предприятиеын 2016 воыс колис компаниялы 25 во тыран пас улын да вӧлі озыр тӧдчана лоӧмторъясӧн, торйӧн кӧ, заводитісны уджавны «Уса» энергоцентр да Ярегаын гырысь производствояс. Асланыс быдлунъя уджӧн Тиман-Печораса мусир перйысьяс да переработайтысьяс пуктӧны ыджыд пай войвывса регион сӧвмӧдӧмӧ. Сідз, 2016 воас районъясын, кӧні уджалӧны «ЛУКОЙЛ-Коми» предприятиеяс, вӧлі кыпӧдӧма да выльмӧдӧма челядьлы ворсанінъяс, дзоньталӧма бурдӧдчанінъяс да стадионъяс, школаясӧ да детсадъясӧ ньӧбӧма выль, ӧнія кадлы лӧсялана оборудование. Торйӧн нин ыджыд тӧдчанлун вӧлі сетӧма кар-сиктъясын водзмӧстчысь котыръяслысь водзмӧстчӧмъяссӧ збыльмӧдӧмын да войвылын олысь войтырлысь аслыспӧлӧс культурасӧ сӧвмӧдӧмын отсӧглы.

Миянӧс виччысьӧ выль вермӧмъяса во! 2017 воас ми водзӧ мӧдам сӧвмӧдны регионын экономика да социальнӧй юкӧн, тшӧтш и вичмӧдны сьӧм Ярегаын олан керкаяс кыпӧдны да туйяс дзоньтавны, Усинскын уна судтаа керка стрӧитны, сэтысь Молодёжнӧй аллея пелькӧдны. Миянлы тӧдчана, медым сэні, кӧні ми уджалам, йӧзыслы овны вӧлі бур да лӧсьыд.

Дона землякъяс! Мед 2017 воас збыльмасны тіян кӧсйӧмъясыд да лоасны выль вермӧмъяс! Крепыд дзоньвидзалун тіянлы, тыр-бур олӧм да кыпыд ловру!

А.В.Лейфрид,

«ЛУКОЙЛ» акционер котырысь вице-президент,

«ЛУКОЙЛ-Коми» компанияса генеральнӧй директор,

Коми Республикаса Госсӧветысь депутат.

KM 15 2

Сьӧлӧмсянь пӧся чолӧмала Коми муын олысьясӧс выль 2017-ӧд воӧн!

Сиа локтан воын бур лоӧмторъяс, помтӧм-дортӧм шудлун, ыджыд вермӧмъяс! Мед быттьӧ мойдын моз, виччысьтӧг, збыльмисны медся гуся кӧсйӧмъясныд! Мед керкааныд пырасны дзоньвидзалун, бурланьӧ вежсьӧмъяс да медся бурыс!

Шуда Выль воӧн да Рӧштвоӧн!

Пыдди пуктӧмӧн,

В.П.Марков,

Россия Федерацияса Федеральнӧй

Собраниелӧн Федерация Сӧветӧ пырысь.

 

KM 15 3

Мада-жалеяс, няня-сола Коми му вылын олысьяс!

Сьӧлӧмсянь чолӧмала тіянӧс Выль воӧн! Сиа, медым локтан Петук воыс козьналас тіянлы шуд, радлун, тыр-бур олӧм, дзоньвидзалун, уджын водз-мӧстчӧм.

Мед юр весьтаныд пыр лоӧ югыд, сӧстӧм енэж. Видзӧй асьнытӧ да матыссаястӧ.

Муӧдз копырӧн — Коми Республикаса народнӧй артист

Василий Рочев.

KM 15 4

Дона ёртъяс!

Пыдди пуктана землякъяс!

Сьӧлӧмсянь чолӧмала тіянӧс Выль воӧн да Рӧштвоӧн!

Бӧрӧ кольысь воыс козьналіс миянлы уна яръюгыд здук, вӧлі озыр нимкодь аддзысьлӧмъясӧн, тӧдчана вермӧмъясӧн. Сійӧ коляс миян паметьӧ Коми Республикалы 95 во тырӧмлы сиӧм кыпыд гажӧн.

Юбилейсӧ пасйӧмыс петкӧдліс, мый ӧтувтчӧмӧн ми вермам унатор вӧчны радейтана республикааным олӧмсӧ бурмӧдӧм могысь. Ми быдӧн петкӧдлім Чужан мулӧн аскиа лун вӧсна ыджыд кывкутӧмсӧ. Став кар-районас вӧліны асланыс шедӧдӧмторъяс, быдлаын эмӧсь и водзӧ сӧвмыны гырысь позянлунъяс.

Эска, 2017 воыс лоас лышкыдӧн выль водзмӧстчӧмъяс вылӧ, содтас вермӧмъяслысь лыдсӧ. Мед тайӧ воас чужӧм кӧсйӧмъясным бытьысь збыльмасны!

Лада да сӧгласа олӧм тіян керкаӧ!

Е.В.Савтенко,

Коми Республикаысь национальнӧй политикаса министр.

KM 15 5

Коми Республикаын олысь дона войтыр!

«Коми войтыр» ӧт-мунӧм нимсянь пӧся чолӧмала тіянӧс россияналӧн медрадейтана да виччысяна гажӧн — Выль воӧн!

Сиа ставныдлы ён-крепыд дзоньвидзалун, куслытӧм вын-эбӧс, помтӧм-дортӧм шуд да вунлытӧм муслун!

Мед Петук во козьналас тіянлы сӧмын бур сьӧлӧмкылӧмъяс, семьяын лада олӧм, уджын ыджыд вермӧмъяс!

Пыдди пуктӧмӧн, «Коми войтыр»

ӧтмунӧмлӧн веськӧдлысьлысь удж вӧчысь

Алексей Габов.

 

ЛЫДДЬЫНЫ ВОДЗӦ...

 

Добавить комментарий


наверх