Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Выль воӧн!

Выль воӧн!

KM 2 1

Коми Республикаын пыдди пуктана олысьяс!

Дона ёртъяс!

Сьӧлӧмсянь чолӧмала тіянӧс матыстчысь Выль воӧн да Рӧштвоӧн!

Тайӧ праздникъясыс – кыпыд нока, шань аддзысьлӧмъяса, нимкодь кӧсйӧмъяса лунъяс. Восӧ колльӧдігӧн миян пӧвстысь быдӧн вӧчӧ кывкӧртӧд, аскиа лун кежлӧ могъяс индӧ, выльвося коз дорын гуся мӧвпъяссӧ думыштӧ.

Бӧрӧ кольысь воыс республикалы тӧдчана вӧлі – ми ӧтлаын пасйим Комилы 95 во, ӧтув лӧсьӧдім водзӧ вылӧ зумыд подув, урчитім республикалы 100 во тыригкежлӧ могъяс. Ме аттьӧала ставнытӧ гӧгӧрвоӧмысь, эскӧмысь, регионлӧн олӧмӧ пырӧдчӧмысь. Миян сайын ӧд и асланым, и челядьнымлӧн, и республикалӧн аскиа луныс. Сӧмын ӧтув ми вермам вӧчны олӧмнымӧс бурджыкӧн.

Мед 2017 воыс лоас выль позянлунъяса, выль вермӧмъяса, бурлань вежсьӧмъяса воӧн, мед збыльмасны миян медся югыд мӧвпъясным. Мед век вӧліны орччӧн рӧд-вужным, матыссаясным, ёртъясным, быд семьяын, быд керкаын – шуд да радлун.

Сиа тіянлы крепыд дзоньвидзалун, ёрта-ёртӧс гӧгӧрвоӧм, муслун, тыр-бура олӧм да, дерт жӧ, кыпыд ловру, медым выльвося гажыс колис долыда, быдса во кежлӧ сетіс вын-эбӧс!

С.А.Гапликов,

Коми Республикаса Юралысь.

KM 2 2

Коми Республикаын пыдди пуктана олысьяс!

Дона землякъяс!

Ас да Коми Республикаса Государственнӧй Сӧветысь депутатъяс нимсянь чолӧмала тіянӧс матыстчысь Выль Воӧн да Рӧштвоӧн!

Бӧрӧ кольӧм 2016 воыс миянлы вӧлі торйӧн нин тӧдчана – Коми Республикалы тырис 95 во. Тайӧ юбилей дырйиыс нӧшта ӧтчыдысь петкӧдчис миян йӧзлӧн чужан му дінӧ муслуныс, Коми му вӧсна налӧн тӧждыс. 

Дзик нин регыд миян ӧдзӧсӧ таркӧдчас югыд  да кыпыд гаж – Выль во, кор ми мойдын моз виччысям мыйкӧ шемӧсмӧданаӧс да бурӧс, сеталам козин, аддзысьлам матыссакӧд да рӧдвужкӧд. 

Мед выль 2017 воын збыльмас тіян став бур кӧсйӧмныд! Мед матыссаясыд лоасны шудаӧсь да дзоньвидзаӧсь, мед быд керкаын вӧлі кыпыд да шоныд, мед тіянлы век вӧлі мыйыськӧ нимкодь. 

А миян радейтана республикалы ме сиа водзӧ сӧвмыны гырысь воськовъясӧн!

Кыпыд гажӧн тіянӧс, землякъяс! Выль воӧн да Рӧштвоӧн, дона ёртъяс!

Н.Б.Дорофеева,

Коми Республикаса Государственнӧй Сӧветӧн веськӧдлысь. 

 

ЛЫДДЬЫНЫ ВОДЗӦ...

 

Добавить комментарий


наверх