Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Петук мед оз кокав!

Петук мед оз кокав!

khatanzeyskiy

Мый кӧть эн шуӧй, а кассяна воыд — кассяна и эм. Уджъёртъяскӧд шуим вӧчны 2016 волы кывкӧртӧд, да ӧтувъя серпасыс кутшӧмакӧ шогӧ уськӧдіс. Ӧтторъя воюйтӧны, помся кувласьӧны йӧз, экономика «восьлалӧ» лёкысь чотӧмӧн, а политика дзикӧдз дурмӧма... Дженьыда кӧ, лёк юӧрыс вевтыртіс бурсӧ.

И со ми арталам нин волысь бӧръя лун-вой, лача кутам, мый январь 1 лунсянь олӧмыс ладмас. Но...

Оз ӧвсьы кассяна воыд. Сы мыйта нин пакӧститчис да некыдз на со оз бурась. Декабрь 25 лунӧ азыма ньылыштіс 92 лов. Ме Ту-154 самолётлысь Сьӧд саридз весьтын усьӧмсӧ гарала. Ӧкмысдас кык семья здукӧн воштісны писӧ, верӧссӧ, батьсӧ, мамсӧ... Россия сыркмунліс курыд шогысь. Мыйла буретш Александров нима сьылан-йӧктан котыр?.. Доктор Лиза?.. Кыдзи?!.

Ӧні тыр ӧдӧн лэпталӧны ваысь пӧгибнитӧмаясӧс, туясьысьяс видлалӧны лайнерлысь «сьӧд» кудъяс. Тӧрыт специалистъяс юӧртісны, мый неминуча помкаӧн вермас лоны лэбигкості сідз шусяна закрылкилӧн другысь тупкысьӧм. Но мыйла найӧ пӧдласисны, вочакывйыс абу на.

Казьтышті 1980-ӧд вояс помын тундраӧ вертолётӧн лэбӧм. Ми-8-лӧн салон тыр пукалім челядь да верстьӧ. Другысь нырӧ пӧльтыштіс бензин дук. Мися, кӧр видзысьяслы кодкӧ, гашкӧ, карасин лампа ломтас мӧдӧдӧма да, сысянь паркйӧ. Юр дурмӧдана дуксьыс шогӧдны нин пондіс, и ме бергӧдчи иллюминаторлань. Ывлаас кӧть эз зэр, кодкӧ быттьӧ кӧшысь кояліс стеклӧсӧ турунвиж ваӧн. Сюсьджыка видзӧдлі да шӧйӧвоши: вӧлӧмкӧ, ломтас бакыс восьса, а вевтыс лётъялӧ жебиник чеп йылын!.. По-лӧмпырысь тувкнитышті орччӧн пукалысь аньлы бокас: мися, видзӧдлӧй... Нывбабалӧн синмыс гӧгрӧсмыліс. Чепӧсйис пилотъяс-лӧн кабиналань да мӧдіс лёкысь камӧдны кӧрт ӧдзӧсас. Петіс капитан. Петкӧдлі сылы ӧшиньысь аддзӧмтор. Мортыс лэбигкості восьтіс бак вомсянь матыссаджык иллюминаторсӧ да ортсыас коскӧдзыс мыччысьӧмӧн пӧдлаліс вевтсӧ. Бӧрас матькӧмыс вӧлі! Карӧдз пӧ воам да бортмеханикӧс ас киӧн лыйла!..

Миянлы, посниуловлы, сэки тайӧ вӧлі тешкодь, весиг сералыштім ас костын, а ӧні думыштан да, йирмӧг босьтлӧ — вермим ӧд пӧгибнитны...

Куим лун коли Выль воӧдз. Мед эськӧ тайӧ кадколастнас Му вылын олысьӧс некутшӧм ускӧттьӧ оз нин су дай локтан воыс лоӧ шуда.

Выль воӧн, дона лыддьысьысь-яс! Аддзысьлытӧдз!

 

ЛЫДДЬЫНЫ ВОДЗӦ...

Быд бурсӧ сиӧмӧн,

Григорий ХАТАНЗЕЙСКИЙ.

 

Добавить комментарий


наверх