Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2016

Терпит, скӧтина!..

Изьваса видз-му овмӧслӧн бан да гуг

KM 3 1

Декабрь заводитчигӧн Изьваын коми войтырлӧн быдвося конференция вылын юӧртӧмаӧсь, мый районас сӧвмӧ видз-му овмӧс. Торйӧн ошйысьӧмаӧсь сизябсаӧн. Неважӧн пӧ сиктас воссьӧма выль карта, кӧні видзӧны 208 мӧс.

Тайӧ эськӧ и зэв бур. Но, кыдз тыдовтчӧ, эм и гугыс.

Ухтаын бурджык бурдӧдчыны?

KM 4

Сосногорскын олысьяс чукӧртӧны кырымпас карас челядьлы бурдӧдчанін тупкӧмлы паныд. Вежон сайын лоӧма тӧдса, мый сэтчӧс зонпосниӧс кутасны бурдӧдны орчча Ухтаын.

Бать-мам шензьӧны, кыдзи тайӧ воӧма юрас Сосногорскса шӧр бурдӧдчанінӧн веськӧдлысьлы. Алла Федосенко такӧдӧма бать-мамӧс, Ухтаын пӧ бурджыка отсаласны. Висьысь зонпосниӧс кутасны сэтчӧ нуны асьныс медикъяс. А Сосногорскса больничаын инфекция юкӧнын содтасны койкаяс налы, кодлы «тэрыб отсӧг» ковмас.

Гутӧс кӧ виӧ, мортӧс — ловзьӧд

KM 6 1

Сыктывкарысь Надежда Васильевна Попова дорӧ висьысьяс локтӧны пӧшти быд лун. Кӧть сійӧ и абу врач. Нывбаба бурдӧдӧ турунӧн да гут кулан тшакӧн.

Гут кулан тшакӧн бурдӧдчӧм йылысь Надежда Васильевна медводдзаысь кывлӧма кӧр ви-дзысьяссянь. Томдырйиыс сійӧ уджалӧма экономистӧн вузасян юкӧнын да тшӧкыда ковмылӧма ветлыны командировкаӧ республика пасьталаӧ.

Узьмӧдчылӧма Надежда Васильевна кутшӧмкӧ баб ордӧ. И олӧм-вылӧм йылысь варовитігӧн тӧдмалӧма, кыдзи водзынсӧ бурдӧдчылӧмаӧсь. Олӧма йӧз окотапырысь висьтавлӧмаӧсь том аньлы турунъяс йылысь. А Надежда Васильевна ставсӧ пель саяс сюркнялӧма.

Сьӧлӧмӧ йиджана шоныд серпас

KM 12 1

Сыктывкарса серпасасьысь Анастасия Лабецкаялӧн Москваын воссьӧма «Лики добра» выставка.

Миян серпасасьыськӧд тшӧтш сэні петкӧдчӧ Мурманск обласьтысь Елена Проценко, коді и ышӧдӧма Анастасияӧс котыртны тайӧ выставкасӧ. Енбиа йӧз тӧдмасьӧмаӧсь ӧтуввез пыр да ёртасьӧны. Налысь уджъяссӧ позьӧ видзӧдлыны П.И.Юргенсон нима библиотекаысь январь 30 лунӧдз.

Выставка вылын Анастасия Лабецкаялӧн дас сайӧ удж. Нуӧма сэтчӧ найӧс Гӧрд Затонса «Волна» культура керкаысь «Свет» изостудияӧн веськӧдлысь, нывлӧн велӧдысь Александра Журбенко.

Ачыс серпасасьысь выставка воссигкежлас Москваӧ ветлыны абу вермӧма. Волысьяс вермасны тӧдмасьны Анастасия Лабецкаялӧн серпас-кывбурӧн. Ӧд сійӧ тшӧтш и гижӧ.

Му, кытчӧ окота волыны...

KM 13 2

«Арктика – земля обитаемая» выставка восьтігӧн Россияса этнография музейӧн веськӧдлысь Владимир Грусман шуис Арктикасӧ «Земля обетованнаяӧн».

–Ме эг сорсьы, – гӧгӧрвоӧдіс сійӧ. – Дерт жӧ, Арктикаыс – обетованнӧй му, коді кыскӧ ас дорас, кытчӧ окота веськавлыны. Уна нэм чӧж сэні олӧны йӧз, кодъяс торъялӧны культуранас да оласногнас. Сэтчӧ зільӧны локны да овмӧдчыны и мукӧдлаысь войтыр, кодъяс бура гӧгӧрвоӧны, мый Войвылад овны ни уджавны абу кокньыд, но сӧмын сэні тырвыйӧ верман петкӧдлыны ассьыд вын-эбӧстӧ, тӧдӧмлунтӧ, сям-кужанлунтӧ. Ми, Россияын олысьяс, Арктиканас медводз тӧдмасям небӧгъяс серти. Коді нӧ миян пӧвстысь челядьдырйи либӧ том кадӧ эз лыддьыв «Два капитана», «Путь на Грумант» книгаястӧ? Гашкӧ, та вӧсна и Питерын, Арктикасянь ылын, миянлы матын войвывса олӧмыс.

Казьтыштам

KM 20 1

Ассьыс олӧмсӧ жалиттӧг

Талун, декабрь 15 лунӧ, Россияын казьтылӧны ассьыс уджсӧ вӧчигӧн пӧгибнитӧм журналистъясӧс.

Тайӧ луныс тӧдчана абу сӧмын газет-телевидениеын уджалысьяслы. Став йӧзыс вылӧ донъялӧны журналистъяслысь зільӧмсӧ, кодъяс ассьыныс олӧмсӧ жалиттӧг сетӧны стӧч юӧр. 2014 воӧ Украинаын пӧгибнитӧма и Комиын чужлӧм морт, «Россия сегодня» агентствоысь военнӧй фотокорреспондент Андрей Стенин. Уджъёртъясыс ӧні котыртлӧны сылӧн нима конкурс. Могыс — отсавны енбиа том фотокорреспондентъ-яслы.

И бара на аслыным ковмас мынтысьны

KM 23

Менӧ шуӧны Денис Крыловӧн. Мыйын менам шогыс? Меным квайт арӧс, но ог вермы сёрнитны. Менам диагнозӧй: юр вемын пыкӧс, сенсомоторнӧй алалия, ЗПРР.

Унаӧн на тӧдлӧмаӧсь

KM 24 1

Аймулӧн Геройяслысь лун Россияын пасйӧны декабрь 9 лунӧ.

1917 воӧдз тайӧ лунӧ вӧлі георгиевскӧй кавалеръяслӧн праздникӧн. Ӧд буретш декабрь 9 лунӧ (важ стиль серти кӧ – ноябрь 26 лунӧ) 1769 воӧ на Екатерина II вынсьӧдӧма Вежа Георгий Победоносец орден.

2000 восянь сійӧ лоис и ӧнія Россиялӧн медыджыд воинскӧй наградаӧн. 2007 восянь декабрь 9 лунӧ нимӧдӧны Сӧветскӧй Союзса, Россияса Геройясӧс, Вежа Георгий Победоносец да Слава орденъяса кавалеръясӧс.

Лысьтантор

khatanzeyskiy

Сералӧй кӧть эн, а экономиканым сӧвмӧ... Да мый ті гигзянныд?! Ме ассьым мӧвпӧс помӧдзыс эг на шу!.. Мися, экономиканым сӧвмӧ со татшӧм формула серти: ӧтилысь мырддям, медым мӧдлы сетны... Мый сэсся ланьтінныд? А, мӧвпаланныд. Но, мӧвпалӧй-мӧвпалӧй...

Ноябрь 23 лунсянь уличвывса реклама кутасны видзӧдны-дӧзьӧритны оз муниципалитетлӧн, а республикалӧн тшупӧдын. Тадзи индісны Госсӧветса депутатъяс. Да такӧд йитӧдын вынсьӧдісны выль казеннӧй учреждение лӧсьӧдӧм кузя бала.

наверх