Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2016

Ӧблезяна тіянлы мед нюмдас

khatanzeyskiy

Видза оланныд, пыдди пуктана лыддьысьысьяс! Кольӧм восянь эг аддзысьлӧй да, чайта, шойччыштінныд меысь. Ӧні бара на понда дӧзмӧдчыны, сӧрны нинӧм абусӧ... Мый сэсся вӧчан, уджыс кӧ ми воклӧн сэтшӧм.

Мед оз вун, ставнытӧ чолӧмала Россияса печать лунӧн! Кыдз шуліс ӧти нималана морт: тэд журналистӧн лоны абу быть, но сӧрны быдӧн медым кужис.

Лӧз мундира мича ань

KM 1

Тӧдмасьӧй, «Коми му» газетлӧн важысянь нин бур ёрт Наталия Спиридонова, юстицияса старшӧй сӧветник, республикаса прокурор Сергей Бажутовлӧн отсасьысь.

Прокуратура йылысь газетӧ гижӧд дасьтігӧн кӧть кор да кутшӧм юалӧмӧн ог шыӧдчылӧй Наталия дорӧ — ставсӧ гӧгӧрвоӧдас...

Наталия Константиновна чужлӧма Сыктывкарын. Велӧдчӧма татчӧс госуниверситетын, босьтӧма юристлысь диплом. Сэсся пыр жӧ и корӧмаӧсь Сыктывкарса прокуратураӧ служба вылӧ. 2010 восянь зільӧ республикаса прокуратуралӧн аппаратын...

ОКОТА ЮАВНЫ

KM 2 4

Выльвоасим! Рӧштвоасим! Сёйим-юим, гажӧдчим-шойччим бара на дас лун.

Кодсюрӧлы «тӧвся каникулыс» мудзмӧныс нин лоӧма. А ті мый та дырасӧ вӧчинныд? И колӧ оз январын сы мында лун гортын пукавны?

АС СИНМӦН

KM 2 1

Чилимдін районса Бугаев сиктын кыпыда восьтісны выльмӧдӧм фельдшерско-акушерскӧй пункт. 

Колӧ шуны, мый ФАП-ыс сиктын вӧлі и водзті. Но быд во ыджыд ва дырйи сійӧс ойдӧдліс. Та вӧсна районса шӧр бурдӧдчанін сёрнитчис Коми Республикаын олысьяслысь дзоньвидзалун видзан министерствокӧд, медым кыпӧдны 1 метр вылӧ ФАП-лысь подувсӧ. Та могысь став уджсӧ  вӧчис «Цильмалес» овмӧс, субпӧдрадчикаліс «Ремстройуслуга» котыр.

Сиктсаяс висьталісны уна аттьӧалана кыв стрӧйбасӧ ас кадӧ эштӧдӧмысь.

Асланым яйыс эм, а челядьӧс вердам кытыськӧ вайӧмаӧн

KM 3 1

Водз асыв. 9 час на абу. Збодера восьлала Изьва сиктса шӧр Сӧветскӧй улича кузя. Юрын бергӧдла юалӧмъяс. Командировкаӧдз лунӧн водз телефон пыр сёрнитчи паныдасьлыны Изьва районса администрацияысь видз-му овмӧс да сёян-юан кузя юкӧнӧн веськӧдлысь Ирина Королёвакӧд. Мися, 2015 волы кывкӧртӧдъяс вӧчам. Ирина Геннадьевна, авъя да восьса сьӧлӧма морт эз ӧтдортчы. Волы пӧ, варовитыштам…

Лӧсьӧдін – домав!

KM 5

Сыктывдін районса Паджга сиктын олысьяс элясьӧны, мый улич кузя шӧйтӧны понъяс да усьласьӧны йӧз вылӧ.

—Керкаысь петны он лысьт, пыр и уськӧдчӧны, весиг аслад йӧрын. Неважӧн на аслам кильчӧ вылӧ жмитліс сьӧд пон. Бур, эз курччав, — висьталӧ Светлана Логинова. — Шыӧдчылі сиктса администрацияӧн веськӧдлысь дорӧ, а сійӧ ыстіс участкӧвӧй дорӧ. Сылы звӧнитлі — веськӧдлысьыдлы пӧ элясь. Власьт кутысьяс ставныс ӧта-мӧд вылас ыстысьӧны. Виччысьӧны, гашкӧ, мый шӧйтысь понъясыс кодӧскӧ ёна пурасны.

Асьным асьнымӧс бырӧдам?

Во-мӧд сайын Россияын пестысис патриотизм йылысь сёрни, кодӧс сэсся ёнмӧдiс Рытыв Европасянь да Америкасянь веськӧдӧм миян ыджыд канмуӧс увтыртан кансяма (политика) нырвизь.

Борис Ельцин дырся демократия кадколастса вӧвлӧм «ёртъ- ясным» другӧн бергӧдчисны миянлы мышкӧн, пондiсны гындыны Владимир Путинӧс, бура помнитӧмӧн, кыдзи коркӧ отсалiсны кисьтны Сӧвет ӧтувлунӧс — быд ногыс дзескӧдны да кольны сьӧм-кредиттӧг, выль технологияястӧг да с.в.

Ветымын во нин ворса...

KM 19

Сыктывкарысь Пётр Петрович Братусьӧс бура тӧдӧны шахматӧн ворсысьяс. Кыдзи висьталӧны ёртъясыс, сытӧг бӧръя воясас Комиын ни ӧти гырысьджык турнир-чемпионат абу на нуӧдлӧмаӧсь. Пётр Петрович век зільӧ чуктӧдны кад волыны сійӧ либӧ мӧд ордйысьӧм вылӧ. Ачыс сійӧ — спортса мастерӧ кандидат, ветымын во нин ворсӧ шахматӧн.

Мыйыс сӧмын оз овлы...

KM 20 2

Изьва вожын бур кывйӧн казьтылӧны Михаил Зосимович Рочевӧс да Алексей Николаевич Гудыревӧс. Накӧд ёртасьлі, тшӧкыда висьтавлісны парма-ягын да вадорын уна сикас вӧвлӧмтор йылысь.

Бара на нимӧдасны...

KM 22 1

Ичӧтсянь радейта фильмъястӧ. И зэв бур, мый Россияын 2016 восӧ лоӧ сиӧма кинолы.

Кольӧм нэмса ӧкмысдасӧд воясын сідз шусяна «кооперативнӧй» фильмъяс снимайтӧм бӧрад чайтлі нин, мый миян странаын асланым бур, сьӧлӧмтӧ вӧрзьӧдан кинематографлы регыд воас пом. Ӧд ставным на помнитам, кыдзи сэки ӧдва вишкис отечественнӧй киноным. Уна актёр кынӧмпӧтсӧ корсьӧм могысь эновтіс чужан мусӧ да веськӧдчис рубеж сайӧ. Рытыввыв Европаын, США-ын, Австралияын овмӧдчисны СССР-са кинолы слава вӧчысьяс, киноса «кодзувъяс» Елена Соловей, Александр Денисов, Игорь да Вадим Ледогоровъяс, Олег Штефанько, Виктор Ильичёв, Ирина Шмелёва да уна мукӧд. Выль нэмӧ пырӧм бӧрын кодсюрӧ на пиысь бергӧдчисны Аймуӧ. Но кызвыныс и ӧні на олӧны-вылӧны океан сайын, уджалӧны таксистъясӧн, тасьті-пань мыськысьясӧн, швейцаръясӧн, официантъясӧн.

И век жӧ, тыдалӧ, мый ми кадсьыс водз дзебим-гуалім ассьыным кинонымӧс. Кыдзи и став странаным, Россияса фильмъяс лунысь-лун пыр зумыдджыка «сувтӧны кок йылас», вочасӧн аддзӧны ассьыныс выль видзӧдысьӧс.

наверх