Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2016

ОКОТА ЮАВНЫ

KM 2 5

Интаса администрацияӧн веськӧдлысьлысь удж вӧчысь Лариса Титовец (диплом сертиыс — роч филолог) карса планёрка вылын вӧзйӧма культураын зільысьяслы выльвося гаж дырйи эновтчыны суйӧрсайса сідз шусяна персонажъясысь. Тырмас пӧ видзӧдны Рытыввывлань, миян эм асланым роч мойдъясысь вель уна герой.

Чинаыд кутшӧмакӧ, дерт, прав. Но ӧд олам ми Комиын — уна войтырсикаса республикаын! Окота юавны, миянлысь кутшӧм персонажӧс ті окотитанныд аддзывны Выль во дырйи?

«Туйвизьяс»

KM 3 1

Коми Республикаын тыр ӧдӧн мунӧны «Коми войтырлӧн» кар-районса конференцияяс. Ноябрь 26 лунӧ ас йӧз вӧсна тӧждысьысьяс чукӧртчылісны и Ухта карын. Сэтчӧс культура дворечӧ волісны делегатъяс, общественникъяс, национально-культурнӧй автономияясын водзмӧстчысьяс, карса администрацияын зільысьяс, министерствоясын уджалысьяс.

Волӧй Яг-Карӧ вирнытӧ ворсӧдыштны!

KM 5

«Коми му» газетлӧн воддза номерын вӧлі йӧзӧдӧма юркарса вужвойтырлӧн чукӧртчылӧм йылысь «Сыктывкар вӧсна тӧждӧн» гижӧд.

Кыдз тыдовтчӧ, карын олысьясӧс унатор на майшӧдлӧ. И оз сӧмын чужан кыв сӧвмӧдӧм, но и быдлунъя олӧмас мытшӧд-падмӧг венӧм. Кодсюрӧлысь та йылысь сёрнисӧ вайӧдӧма газетас, а талун кӧсъям тӧдмӧдны миян лыддьысьысьясӧс юркарса вужвойтырлӧн чукӧртчылӧм дырйи «Коми му» газетса главнӧй редактор Григорий Хатанзейскийлӧн йӧз водзын висьтасьӧмӧн.

Григорий Фёдорович олӧ семьяыскӧд Вылыс Максаковкаын, сэтчӧс Яг-Кар микрорайонын кыпӧдӧм выль керкаын. Кодкӧ, гашкӧ, думыштас, майбыр пӧ, юркарын да нӧшта на и ас керкаын овнытӧ. Вылыс Максаковкаӧдзыд тай абу ылын, машинаӧн час джынйӧн и воан. Но...

Лыддьӧй гижӧдсӧ...

Колӧ-ӧ ӧшлы «ВИАГРА»?

KM 6 1

Коми наука шӧринса Химия институтысь учёнӧйяс дасьтӧмаӧсь выль препарат — тырсьӧдчысь ӧшъяслы биостимулятор. Сійӧс позьӧ сёйны и мужичӧйяслы.

Выль препарат йылысь ми сёрнитім химия да органическӧй синтез лабораторияӧн веськӧдлысь, профессор Александр Кучинкӧд (снимок вылын).

Сьӧлӧмтӧ вӧрзьӧданаӧсь

KM 11 1

Неважӧн Сыктывкарса университетын нуӧдісны «Пермистика» симпозиум. Сэтчӧ волісны Удмуртияысь, Чувашияысь, Хакасияысь, Моск-ваысь, Екатеринбургысь, а сідзжӧ и суйӧр сайысь – Финляндияысь, Эстонияысь, Германияысь, Австрияысь учёнӧйяс. Воліс тшӧтш и том коми ныв-зонлӧн удмуртэст вок Николай Анисимов.

Сійӧ ёна нин удитӧма гажтӧмтчыны Сыктывкарысь да ёртъяссьыс, кодъяскӧд тані велӧдчӧмсяньыс на кутӧ топыд йитӧд. Абу жӧ вунӧма сылӧн и коми кывйыс. Николайлӧн кывъяс серти, нёль вонас Сыктывкар абу вежсьӧма, сэтшӧм жӧ пӧ шоныд да матыс. Бур йӧз пӧ тані олӧны.

Зыряналӧн Фауст

KM 12 1

Россияса Национальнӧй библиотекаӧ «Зырянский Фауст» выставкаӧн тӧдмасьны волӧма 30 сюрсысь унджык морт. Выставкасӧ вӧлі сиӧма гижысь, учёнӧй Каллистрат Фалалеевич Жаковлӧн чужӧмсянь 150 во тырӧмлы да Коми Республикалӧн 95 вося тшупӧда паслы.

Абу кино, а комедия!

KM 13 1

Мый сэтшӧмыс коми КВН? Сӧмын кӧ веркӧсӧн видзӧдлыны, тыдовтчас, мый тайӧ – лабутнӧй, вывтіасьтӧм, шань сералӧм. Асланым олӧм вылын, кыдзи и пыр, сералӧм.

Аслад юрӧн колӧ овны...

KM 22 1

Неважӧн Россияса президент Владимир Путин лэбзьыліс Перуӧ АТЭС-лӧн саммит вылӧ. Бӧрыннас СМИ-ын юӧртісны, мый Рытыввыв Европа весьтті лэбигӧн миян президентлысь самолётсӧ колльӧдӧмаӧсь Швейцарияса военнӧй истребительяс. Найӧ весиг матыстчылӧмаӧсь да сэтшӧма смелмӧдчылӧмаӧсь, мый пилотыс вӧчӧма вираж да шенасьыштӧма бордъяснас, со пӧ ми кутшӧмӧсь, небось, ог полӧй.

Аттӧ дивӧ, нейтральнӧй Швейцария нин повзьӧдлӧ миянӧс! А ми ӧтарӧ ошйысям «Армата» танкӧн, «Искандерӧн» да «Булаваӧн», но суйӧрсайса кырнышъясыд, видзӧдӧмпырысь, мыйлакӧ оз ёна повны роч боевӧй техникасьыд.

Кӧинъяс кытшалӧны

KM 23

Кольӧм выльлунӧ Койгорт сиктса администрацияын чукӧртлісны скод, матігӧгӧрсӧ кӧинъяс кытшалӧмаӧсь да. Меставывса власьт чуксалӧ йӧзӧс видзчысьны вӧрса шышъясысь, мед не веськавны налӧн гыжйӧ.

наверх