Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Киноад — герой, а олӧмас?

Киноад — герой, а олӧмас?

KM 22 1

СССР дырйи на театрын да киноын уна ворсысьӧс пасйылісны почёт нимъясӧн, быдсяма гырысь и ичӧт премияӧн. Да мӧд ногыс эз и вермы лоны: Сӧвет странаын пыдди пуктылісны культураын да искусствоын уджалысьясӧс. Кыдзи помнита, унджык артистыс вӧлі коммунистӧн, а кодсюрӧ таӧн зэв на и гӧрдитчылісны.

Висьталӧны, кор пӧ режиссёр Тамара Лиознова «Семнадцать мгновений весны» сериал снимайтігӧн вӧзйӧма СССР-са народнӧй артист Всеволод Санаевлы фашист Борманлысь рольсӧ, бӧръяыс зэв ёна ӧбӧдитчӧма да шуӧма: ме пӧ веськӧдла «киношникъяслӧн» партийнӧй организацияӧн, а ті пӧ меным вӧзъянныд лоны нацистӧн. Санаев ӧткажитчӧма рольсьыс. Бӧрынджык, дыр корсьысьӧмаӧсь да, Борманӧс ворсӧма роч бард Юрий Визбор.

KM 22 2

Немеч рольысь унаысь пыксьылӧма и СССР-са народнӧй артист Михаил Глузкий. Шулывлӧма, бурджык пӧ ме кутшӧмкӧ лесникӧс либӧ кер кылӧдысьӧс ворса...

Но, дерт, абу ставӧн Санаев да Глузкий кодь вӧлӧмаӧсь. И Сӧвет воясӧ артистъяс пӧвстын роль юклӧм кузя мунӧма «гуся» война.

«Народнӧй» да «заслуженнӧй» артистъяслы пырджык вичмылӧмаӧсь бур рольяс, найӧс абу кедзовтлӧмаӧсь нималана кинорежиссёръяс да драматургъяс, театрӧн веськӧдлысьяс.

Колӧ шуны, мый и политикаад кызвын артист-ворсысьыс быд ногыс ошкисны СССР-са компартиялысь зільӧм-водзмӧстчӧмсӧ. Но мыйла нӧ, кор кисьтісны великӧй странанымӧс, унджык актёрыс чӧв олісны либӧ «сьылісны ӧввӧ» власьт бердӧ воӧм «демократъяслы».

KM 22 3 KM 22 4

KM 22 6 KM 22 5

 

ЛЫДДЬЫНЫ ВОДЗӦ...

 

Добавить комментарий


наверх