Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 19 1

Водзынӧсь юркарса

«СуперШип» спортклубса том войтыр быд во нуӧдӧны республикаса шӧр стадионын автомашинаясӧн ордйысьӧм.

Таво ордйысьысьяслӧн финалыс вӧлі кольӧм шойччан лунъясӧ.

Старт вылӧ петысь спортсменъясӧс ышӧдіс вермӧмъяс вылӧ Коми Республикаса спорт министр Николай Бережной.

И колӧ шуны, автомобилистъяс эз янавны видзӧдысьяс водзын: медбӧръя здукӧдзыс эз вӧв тӧдса, коді жӧ медводзын воас финишӧ.

Жар тыш-вен бӧрын первой местасӧ босьтіс Сыктывкарысь Сергей Шерстобитов. Мӧд тшупӧдӧ кыпӧдчис Кировысь Станислав Гомзяков. Коймӧд места вичмис юркарысь Николай Новожиловлы.

Вермысьясӧс да призёръясӧс пасйисны дона козинӧн.

KM 19 2

Залилов бара на вермис

Ухтаысь боксёр Ержан Залилов мӧд во косясьӧ профессиональнӧй ринг вылын.

Кольӧм лунъясӧ миян боксёр вочаасьлӧма Никарагуаысь кызь ӧкмыс арӧса спортсмен Генри Мальдонадокӧд.

Боксёръяслӧн тышыс кыссьӧма кӧкъямыс раунд. Мӧд раундын Залилов сяммӧма мӧдӧдны Никарагуаса зонмӧс нокдаунӧ.

Латин Америкаса боксёр кутчысьӧма кок вылас тыш помӧдзыс, но судьяяс век жӧ сетӧмаӧсь вермӧмсӧ Ержан Залиловлы.

Ӧні миян зон дасьтысьӧ косясьны Москваын Узбекистанса профессионал Хумоюн Рустамовкӧд. Кутам лача, Ухтаса боксёрлы и тайӧ косяс нюмъёвтас шудыс.

KM 19 3

И мини-футболын эз янавны

Кольӧм лунъясӧ Азорскӧй діяс вылын мини-футболӧн ворсӧм кузя Россияысь томъяслӧн сборнӧй кыкысь вочаасьліс Португалияса командакӧд.

Медводдза ворсӧмас миян футболистъяс 2:4 тшӧтӧн ворссисны «Европаса бразилечьясыдлы». Но мӧд лунас шедӧдісны португалечьяскӧд ничья, ворсӧмыс помасис 4:4-ӧн.

Пасъям, Россияса сборнӧйын ворсісны Сыктывкарса «Новая генерация» клубысь вратарь Кирилл Щурок да нападающӧй Владислав Барсков. Специалист-тренеръяс ошкисны юркарса зонъясӧс збойлунысь да сюсьлунысь...

 

Добавить комментарий


наверх