Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ОКОТА ЮАВНЫ

ОКОТА ЮАВНЫ

KM 2 5

Кыдзи тӧдса, таво Киевын «Евровидение» вылын Россия нимсянь петкӧдчас Ухтаысь Юлия Самойлова.

Бӧръя лунъясӧ та йылысь ёна сёрнитӧны телевидение-радиоын, газет-журналын, интернетын. Ӧтияс ошкӧны Юляӧс, мӧдъяс чайтӧны, мый Украинаад миян нывлы дзик нинӧмла муннысӧ...

Окота юавны, кыдзи ті донъяланныд тайӧ водзмӧстчӧмсӧ?

Диана Абросимова, Сыктывкарысь уджвывса ветеран, олӧмаяслӧн хорын сьылысь:

—Чайта да, нинӧмла мӧдӧдны Украинаса юркарӧ Ухтаысь сьылысь Юлия Самойловаӧс. Да, нывлӧн мича, сӧстӧм гӧлӧс, но сцена вылын инвалид — тайӧ вывтіджык жӧ нин лоӧ. Продюсер-шоуменъяс, тыдалӧ, зэв ёна окотитӧны, медым конкурссӧ нуӧдысьяс жалитыштасны коляскаын пукалысь аньӧс да содтасны сьылысьлы баллъяссӧ. Но тайӧ абу честнӧя ордйысьӧм. Да сэсся кор петкӧдчас Ухтаса сьылысьыд, чайта, сэки уналӧн муткыртчылас сьӧлӧмыс: вывті нин сьӧкыд видзӧднысӧ, чегӧм борда лэбач быттьӧ сійӧ ыджыд сцена вылад...

Татьяна Парначёва, Сыктывкар:

—Ме чайта, мый Юлия Самойловаӧс, инвалид да, тӧдӧмӧн “шыбитісны” пурсьысь политикъяслы «вомӧ». Оз позь тадзи.

Гашкӧ, миян чинаяс кӧсйӧны, мый вермытӧмаӧс «Евровидениеын» вылӧджык донъяласны, жалитасны да. Либӧ мӧдарӧ, кӧсйӧны петкӧдлыны, мый Россияын ставӧн, вермытӧм кӧть абу, ӧткодьӧсь.

Сідзжӧ чайта, мый татшӧм ыджыд конкурс вылӧ инвалидӧс оз ков ыстыны. Мед сійӧ сьылас, но оз та ыджда сцена вывсянь. Кӧть эськӧ меным ёна кажитчӧ Юля Самойловалӧн сьылӧмыс, сійӧ збыльысь енбиа да ён гӧлӧса. Сиа сылы бура петкӧдчыны.

Вера Булышева, сьылысь:

—Зэв жаль, мый Юля веськаліс конкурсӧ татшӧм сьӧкыд кадӧ, кор Украина чорыда лӧгалӧ Россия вылӧ. И оз эськӧ ков вермытӧмӧс Киевӧ ыстыны да. Майшася весиг, мед сыкӧд нинӧм лёкыс оз ло.

Гашкӧ, сылы коліс ӧткажитчыны? Но ачыс кӧ мыйыськӧ поліс, гашкӧ, и эз кӧсйысь муннысӧ. Сідзкӧ сійӧ зэв вына ань. Юля нимкодясьӧ, мый веськаліс «Евровидение» вылӧ. И ме сиа сылы став бурсӧ!

Андрей Мишарин, Сыктывкар:

—Кор кывсис, мый «Евровидениеын» петкӧдчас Юлия Самойлова, меным лои нимкодь. Сійӧ збыльысь енбиа сьылысь. Нӧшта на и миян землячка.

Юля, Россияын став олысьыс и, дерт, ме сиам тэныд вермӧм!

Иван Нежинов, Усинскысь электромонтажник:

—Мича сьылысьясыд меным воӧны жӧ сьӧлӧм вылӧ. Быд во  видзӧда «Евровидение» конкурстӧ. Но таво ог кӧсйы. Талы помкаыс со кутшӧм: ӧнія шоу-петкӧдчӧмыс мунас Киевын. Оз ков вунӧдны, мый некымын сё километр сайын, Донбассын, быд лун грымакылӧ война. Оз кольлы вой, медым  ВСУ-шникъяс  эз  лыйлыны пушка-миномётысь Донецк да Луганск. А сэк жӧ тайӧ кадас Киевса сцена вылын кутасны  сьывны-вежнясьны? Оз-ӧ  ло тайӧ  Донбассын усьӧмаяслӧн паметь вылын смекайтчӧмӧн? Ме тай тадзи думайта-а...

Елена Хозяинова, «Юрган» радиоысь шеф-редактор:

—Меным жаль лоис, мый Юлия Самойловаӧс, кыдз тай шулӧны, танкъяслы паныд ыстӧны. Вермытӧм нылыдлы быттьӧ нинӧм лёксӧ оз вӧчны. Менам чайтӧм серти, таво «Евровидение» конкурссьыс ӧтдортчыны вӧлі колӧ.

Бӧръя воясӧ «Евровидениеас» вывті ёна политикаыс кутіс сюйсьыны. Некод нин оз видзӧд, кыдзи мортыс сьылӧ. Петан сцена вылас да кӧть эн  сьыв, а «оригинальничайт», и тэнӧ казяласны.

 

Добавить комментарий


наверх