Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 2 2

Ӧдйӧджык да ылӧджык

Тавося июль 1 лунсянь шуӧма выльмӧдны-сьӧктӧдны ГТО нормативъяс. Но вежсьӧмъясыс мӧрччасны сӧмын 6-29 арӧсаяслы, кодъяс сдайтӧны I-VI тшупӧда нормативъяс.

Торйӧн кӧ, 9-10 арӧсалы содтӧд урчитӧма «Челночный бег 3х10 м», а 13-15 арӧсалы — «Самозащита без оружия».

Сьӧктӧдӧма кызвын нормативсӧ. Сідз, 18-24 арӧса мужичӧйяслы лызьӧн 5 км котӧртны кадсӧ индӧма 22.00 минут (ӧні 23.30). 13-15 арӧса зонъяслы кузьтаног чеччыштны колӧ нин 415 см (ӧні 390).

ГТО-лӧн выльмӧдӧм нормативъясӧн пыдісяньджык позьӧ тӧдмасьны ӧтуввезйын Россияса минспортлӧн лист бокын.

KM 2 3

Абу сьӧкыд. И водзӧсыс эм

Коми Республикаса муниципальнӧй котыръяслӧн Сӧвет юӧр сетан технологияяслӧн шӧринкӧд ӧтвылысь нуӧдӧ «ГОСУСЛУГА. Чайтӧм дорысь, кокниджык» уджтас серти регионса кар-районын олысьяслы электроннӧй услугаясӧн вӧдитчӧм кузя семинаръяс.

Кыдз тыдовтчӧ, республикаын пыр унджык олысь босьтчӧ вӧдитчыны Госуслуги.ру порталӧн. Но унаӧн на чайтӧны, мый оз тырмы тӧдӧмлун-сямныс, мед вӧдитчыны ӧтуввез пыр госуслуганас.

Семинаръяс вылас сэсся гӧгӧрвоӧны, мый нинӧм сьӧкыдыс таын абу. И водзӧсыс эм, ӧд, мог кӧ суас, и гортсяньыд позьӧ шыӧдчывны сійӧ либӧ мӧд госучреждениеӧ колана документ-кабалала.

KM 2 4

«Крымын тулыс»

Коми Республикаын, кыдзи и ставнас странаын олысьяс лӧсьӧдчӧны кыпыда пасйыны Россиякӧд Крым ӧтувтӧмсянь куим во тырӧм.

Март 18 лунӧ Сыктывкарын опера да балет театр водзын изэрд вылын юргас «Крымын тулыс» митинг-концерт.

Куим восайся тайӧ тӧдчана лоӧмторйыскӧд йитӧдын жӧ Сыктывкарса университетысь студентъяс котыртласны флешмоб. Национальнӧй паськӧма ныв-зон кианыс Россиялӧн да Крымлӧн триколор рӧма атлас лентаясӧн да пазлъясӧн хороводасьӧмӧн серпасаласны, кыдзи Крым ӧтувтчис Россиякӧд. 

 

Добавить комментарий


наверх