Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 23 1

Бӧр ловзьӧдасны

Изьваын кӧсйӧны дзоньтавны Господь Преображенньӧ вичко, кодӧс кыпӧдлӧмаӧсь 1828 воын.

1937 воын сійӧс пӧдлалӧмаӧсь, и сэні дыр меститчӧма сельпо склад. 2000 воын босьтчӧмаӧсь «ловзьӧдны» юрбитанінсӧ. Весалӧмаӧсь пытшкӧссӧ да йӧрсӧ лӧп-ёгысь.

Кольӧм во котыртӧмаӧсь вичкосӧ ловзьӧдӧм кузя попечительяслысь сӧвет, кодӧн веськӧдлӧ ас вылӧ уджалысь Иван Артеев. Изьвасаӧн чукӧртӧм сьӧм вылӧ экспертъяс донъялӧмаӧсь юрбитанінсӧ подувсяньыс сигӧрӧдзыс.

Изьваӧ неважӧн волігас республикаса Юралысь Сергей Гапликов, коді веськӧдлӧ тшӧтш и «Преемственность» благотворительнӧй фондӧн, видзӧдліс вичкосӧ да кӧсйысис чуктӧдны колана отсӧг.

KM 23 2

Вын песан выль шӧрин

Сосногорскын «Физкультура да спорт» сӧвмӧдан регионса уджтас серти кыпӧдӧны выль спорткомплекс.

Пасъям, выль бассейнсӧ кыпӧдны босьтчисны таво январын. Сылӧн доныс 130 миллион шайт.

Кыдзи висьталіс пӧдрадчик, дась нин стрӧйбалӧн подулыс, сувтӧдалӧны кӧрт кутӧдъяс, вӧчӧны бетонысь содъяс, бергӧдӧны мукӧд удж.

Бассейнсӧ лӧсьӧдчӧны восьтыны таво декабрын. Спорт шӧринас лоас сідзжӧ вын песан зал да медиклӧн жыр, тшӧтш и нуръясянін.

Стрӧйбасӧ, помаласны да, сетасны Сосногорскса спортшколалы.

KM 23 3

Уялӧм пыдди – вузасьны-ньӧбасьны

Воркутаын дыр нин весь сулалысь «Дельфин» бассейнлы аддзисны жӧ сэсся кӧзяинӧс.

Кыдзи юӧртіс карса администрацияӧн веськӧдлысь Игорь Гурьев, куим судтаа тайӧ ыджыд стрӧйбасӧ аукцион дырйи вузалӧмаӧсь 6,5 миллион шайтысь.

Бассейнсӧ кыпӧдлӧмаӧсь 1957 воын. Сійӧ абу тӧдчана ни историялы, ни культуралы. И кӧзяиныс вермас сійӧс весиг кисьтны да кыпӧдны выль стрӧйба. Но ӧні вӧвлӧм бассейнын дзоньтасьӧны. Кӧсйӧны восьтыны сэні вузасян шӧрин. Ӧд стрӧйбаыс сулалӧ дзик кар шӧрас.

Пасъям, мӧйму гожӧмӧ «Дельфин» тӧкӧтьӧ абу сотчӧма. Биыс ёна чишкалӧма сылысь мӧдӧд судтасӧ.

 

Добавить комментарий


наверх