Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 17 1

Но ті и молодечьяс!

Сентябрь 16 лунӧ юркарын нуӧдісны «Кросс нации-2017».

Старт вылӧ петіс матӧ 5.000 морт — и тайӧ сӧмын Степан изэрд вылын. Нӧшта 600-ӧн стартуйтісны Гӧрд Затонын, 400-ӧн — Вылыс Максаковкаын да 1.000 морт — Эжваын.

Спорт радейтысьясӧс чолӧмалісны Коми Республикаса правительствоӧн веськӧдлысьӧс медводдза вежысь Лариса Максимова, Госсӧветын председательӧс вежысь Валентина Жиделева, регионса физическӧй культураса да спортса министр Николай Бережной.

—Весиг татшӧм зумыш поводдя вылӧ видзӧдтӧг «Кросс нации» чукӧртіс та мында йӧзӧс. Тӧда, тані сулалӧны найӧ, кодъяс быд во орд-йысьӧны котралӧмын, петавлӧны старт вылӧ. Ті молодечьяс! Нимкодь, мый гаж вылӧ воисны разнӧй войтыр, и тайӧ бара на эскӧдӧ — спорт ӧтувтӧ ставнымӧс, — пасйис Николай Бережной.

Традиция серти старт вылӧ первойӧн петісны медся ичӧт войтыр — детсадйӧ ветлысь дзолюкъяс да налӧн мам-бать. Эз эновтчыны ордйысьӧмысь да котӧртісны финишӧдз Государственнӧй Сӧветын вот-бюджет комитетысь председатель Степан Чураков да сылӧн семьяыс. Чина стартуйтіс тшӧтш и верстьӧкӧд. Ордйысьны петавлісны юркарысь велӧдчысь-студент, физкультура да спорт радейтысь котыръяс, уджалан коллективъяс, прӧста окотитысьяс. Гӧнитісны ӧтиӧн-джынйӧн, куим, квайт да дас кык километр. Медтэрыб кокалы спорт министерствоысь чина войтыр козьналісны торъя приз-грамота.

KM 17 2

Шедӧдісны эзысь

Коми Республикаса спортшколаысь футбол команда шедӧдіс эзысь медальяс. Ставроссияса турнирӧ пырӧдчис квайт котыр — Псковысь «Псков 747», Мурманскысь «Север», Петрозаводскысь да Калининградысь ДЮСШ-яс, Новгород обласьтысь да Коми Республикаысь ӧтувтӧм командаяс. Ордйысисны 2005 воын чужӧм томулов.

Видзӧдысьяс сьӧлӧм бурмытӧдз нимкодясисны интереснӧй ворсӧмӧн, кӧні тӧдчана результатъяс петкӧдлісны Псковса, Калининградса да миян республикаса спортсменъяс. Найӧ и юкисны ас костаныс призъяс.

Зарни вичмис псковсалы, эзысь — Комиысь том футболистъяслы, а бронза «лэбис» Россиялӧн янтарь перъянінӧ.

Миян спортсменъяс пиысь торъя нин бура турнирын ворсісны Игорь Бабичев да Роман  Бешляга, пасйисны тренеръяс.

 

Добавить комментарий


наверх