Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ВЛАСЬТ ТШУПӦДЫН

ВЛАСЬТ ТШУПӦДЫН

KM 2 1

Сергей Гапликов: «Сиктын бизнес сетас позянлун водзӧ сӧвмӧдны овмӧдчӧмин»

Выльлунӧ Кулӧмдін районӧ ветлігӧн Коми Республикаса юралысь Сергей Гапликов воліс Немдін сиктын ас вылӧ уджалысь Николай Игнатовлӧн вӧр переработайтан овмӧсӧ.

 

Вӧр пыді переработайтан цехыс районса администрациялӧн отсӧгӧн воссис таво февральын. Муниципалитетлӧн сьӧмкудйысь Николай Игнатовлы сетӧмаӧсь 2,8 миллион шайта субсидия. Ас вылӧ зільысь ньӧбӧма тьӧс-плака  косьтан кык камера, выль станокъяс. Прӧдукциясӧ иналӧ сиктса олысьяслы, вузалӧ и Сыктывкарын. Николай Юрьевичлӧн кывъяс серти, 1.400 кубометр тьӧс-плака сійӧ мӧдӧдӧма весиг Кореяӧ.

Овмӧсас уджалӧ 40 морт. Ставныс немдінсаяс. Тӧвнас Николай кӧсйӧ босьтны нӧшта 20 уджалысьӧс.

Бизнесмен тшӧкыда отсасьӧ чужан сиктын олысьяслы техникаӧн, ломтас-мавтасӧн.

Мужичӧй кӧсйӧ и водзӧ сӧвмӧдны овмӧссӧ. Но та могысь сылы колӧ унджык вӧр, а сійӧ Кулӧмдін районын ставнас нин сетӧма кӧртымӧ мукӧд пӧрӧдчысьыслы.

–Николай Игнатов кодь йӧзыс талун сӧвмӧдӧны коми сикт, восьтӧны содтӧд уджаланінъяс, сідзкӧ, татшӧмыслы ми пыр кутам отсасьны, – пасйис Сергей Гапликов.

Райадминистрациялы регионса промышленносьт министерствокӧд ӧтув юралысь тшӧктіс сёрнитчыны муниципалитетын уджалысь вӧр пӧрӧдан гырысь овмӧскӧд, медым сійӧ «юксьыштас» Н.Ю.Игнатовкӧд вӧрнас.

*  *  *

Ас вылӧ уджалысь пӧрӧдӧ да переработайтӧ вӧр, пӧжалӧ нянь, вузасьӧ. Балансӧвӧй пусӧ иналӧ «Монди СЛПК»-лы. Кольӧмвося октябрсянь таво апрельӧдз Игнатовлӧн овмӧс пӧрӧдӧма 11 сюрс кубометр вӧр, таво тӧв арталӧны переработайтны-инавны 35-40 сюрс кубометр тьӧс-плака.

Кулӧмдінса челядьлы бур вылӧ

Кулӧмдінысь первой номера детсадйӧ котралысь ныв-зон кутасны велӧдны туй выв правилӧяс. Та могысь колана эмбур ньӧбӧм вылӧ сертификат челядь видзанінлы районӧ волігӧн козьналіс Коми Республикаса юралысь Сергей Гапликов.

120 дзолюк вылӧ артыштӧм первой номера детсадсӧ Кулӧмдінын восьтісны 2013 вося декабрын. Тайӧ тӧдчымӧн чинтіс юрсиктын детсадйӧӧчередсӧ. Но сы вӧсна, мый районын содӧ кага чужтӧм, таво тулыс челядь сад улӧ шуисны дзоньтавны вӧвлӧм лыжнӧй базалысь керка. Сійӧс урчитӧма 40 ныв-зон вылӧ. Выль детсадсӧ восьтісны сентябрын. Республикаса кудйысь вӧлі чуктӧдӧма 6 миллион, нӧшта 2,2 миллион шайт вичмӧдіс район. Стрӧйба дзоньталігӧн сувтӧдӧмаӧсь содтӧд ӧдзӧсъяс, ладмӧдӧмаӧсь жыръяс тӧлӧдан тэчас, вольсалӧмаӧсь «шоныд джодж», детсад йӧрас вӧчӧмаӧсь челядьлы вӧрсанін.

Сергей Гапликов кытшовтіс выльмӧдӧм стрӧйбасӧ, чолӧмаліс челядьӧс да кагульничаясӧс садик восьтӧмӧн. Ныв-зон висьталісны губернаторлы кывбуръяс да козьналісны ас киӧн вӧчӧмтор – Кулӧмдін районса герб вылын серпасалӧм урӧс.

KM 2 2

Оз тырмы 40 школа

Кольӧм четвергӧ республикаса Госсӧветын чукӧртчылӧм дырйи сёрнитісны сиктса школаяс йылысь. Ставнас Комиын татшӧмыс артавсьӧ сё ӧкмысдас. Сё кӧкъямысыс на пиысь – малокомплектнӧй.

Кыдзи юӧртіс республикаса правительствоӧн веськӧдлысьӧс вежысь, йӧзӧс велӧдан да том-улов политикаса министр Наталья Михальченкова, сиктса школаясын талун велӧдчӧ кызь ӧти сюрс гӧгӧр ныв-зон. Ставнас жӧ сикт-грездын колӧ кыпӧдны нелямын выль школа. Кызь ӧкмыс велӧдчанін ёна нин важмӧмаӧсь.

Талун кежлӧ сёрнитчӧмаӧсь ӧдйӧ кыпӧдан стрӧйбаяс лэптысь федеральнӧй оператор-кӧд, медым стрӧитны Вуктыл районса Дутов сиктын, Сыктывкарлӧн Гӧрд Затон посёлокын да Кулӧмдінын 250 велӧдчысь вылӧ школаяс. Федеральнӧй бюджетысь лоӧ вичмӧдӧма 281 миллион шайта субсидия. Сідзжӧ 2018 воын Кулӧмдін районса Помӧсдінын кӧсйӧны кыпӧдны 400 велӧдчысь вылӧ выль школа. А 2019 воын арталӧны лэптыны тӧдӧмлун сетанінлы выль стрӧйбаяс Сыктыв районса Визинын да Мылдін районса Приуральскӧй посёлокын. 2020 воын планируйтӧма эштӧдны нӧшта куим велӧдчанін.

 

Добавить комментарий


наверх