Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - АС СИНМӦН

АС СИНМӦН

KM 2 4

Комиысь гӧсьтъяслы «Печораын» радӧсь

Москваын Коми представительство бердын гостиницалы сетӧмаӧсь «Печора» ним.

Кыдз висьталӧны сэні уджалысьяс, сы могысь пӧ, медым Россияса юркарӧ воліганыс тайӧ туй морт керкаас Комиын олысьяс кылісны асьнысӧ гортаныс моз. Ӧд Печора нимыс топыда йитчӧма миян республикакӧд. Татшӧм нимаӧсь Комиын и паськыд да джуджыд, чериӧн озыр ю, и энергетикъяслӧн мича ыджыд кар.

Комиысь гӧсьтъяслы «Печораын» пыр радӧсь. Содтӧд на, гостиницаӧ овмӧдчӧмысь налы донсӧ чинтасны 25 прӧчент.

KM 2 5

Ухтасянь веськыда Санкт-Петербургӧ

Коми Республикаса промышленносьт, вӧр-ва, энергетика да транспорт министерстволӧн юӧр серти, тавося февраль 16 лунсянь «Комиавиатранс» акционер котырлӧн Embraer-145LR самолёт кутас лэбавны Ухтасянь веськыда Санкт-Петербургӧ да бӧр.

Питерӧ тайӧ самолётнас позяс ветлыны воторникӧ да четвергӧ. Нева вывса карсянь жӧ Ухтаӧ – выльлунӧ да середаӧ.

Казьтыштам, Embraer-145LR-сӧ вӧчӧмаӧсь Бразилияын, артыштӧма сійӧс 50 ветлысь-мунысь вылӧ.

«Комиавиатранслӧн» татшӧм самолётыс вит, ньӧбӧмаӧсь найӧс 2015-2016 воясӧ.

KM 2 6

komimu.com-ын тшӧтш и «Юрган»

Дона лыддьысьысь!

Казьтыштам, мый ӧтуввезйын миян «Коми йӧзӧдчан керкалӧн» komimu.com сайтын тэ верман тӧдмасьны «Коми му» да «Йӧлӧга» газетъяс-ысь, «Чушканзі», «Би кинь» да «Войвыв ко-дзув» журналъясысь гижӧд-серпасӧн.

Февраль 13 лунсянь тайӧ жӧ сайтас пыралӧмӧн позьӧ кывзыны и «Юрган» радио.

Лача кутам, сикт-грездын олысьяслы тайӧ воас сьӧлӧм вылас, торйӧн нин налы, кодъяслӧн абу позянлуныс кывзыны коми передачаяс провода радио пыр.

 

Добавить комментарий


наверх