Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ВИДЗ-МУ ОВМӦС

ВИДЗ-МУ ОВМӦС

KM 2 3

Коми Республикаса Юралысь С.А.Гапликовлы,

Россия Федерациялӧн Государственнӧй Думаса депутат И.В.Медведевлы,

Коми Республикаса Госсӧветӧн веськӧдлысь Н.Б.Дорофеевалы,

правительствоӧн веськӧдлысьӧс вежысь,

 КР-са видз-му овмӧс да потребительяслӧн рынок кузя министр А.П.Князевлы

ВОСЬСА ПИСЬМӦ.

Ми, Важкуа грездын олысь войтыр да «Кӧрткерӧс» муниципальнӧй районлӧн сӧветысь депутатъяс, кутім ыджыд лача, мый 2017 воын пансяс «Важ Курья» ООО-лы скӧт комплекс стрӧйба. Но, видзӧдӧмпӧръя, став дум-кӧсйӧмыс кольӧ кабала вылын. Миянлы тайӧ лои весьӧпӧртана юӧрӧн. Ӧд комплекстӧг овмӧс водзӧ уджавны-сӧвмыны оз вермы, а сідзкӧ, кусӧ и грездлӧн аскиалуныс.

Россияса Президент В.В.Путин стӧча индіс видз-му овмӧсын зільысьяслы регыдъя кадӧн вежны бокиса вузӧс асланым прӧдукцияӧн.

С.А.Гапликов Коми Республикаса Юралысьлысь удж вӧчигӧн на шуис минсельхозпродлы матысса вит воӧн могмӧдны регионнымӧс ас йӧлӧн. Коми Республика ловзьӧдӧм кузя сылӧн бӧрйысьӧмводзвывса программаӧ вӧлі тшӧтш пасйӧма Важкуаын 780 юр вылӧ йӧв-яйӧн могмӧдан скӧт карта лэптӧм.

2016 волӧн арын Кӧрткерӧс районӧ удж кузя волігӧн Коми Республикаса видз-му овмӧсса министр А.П.Князев стӧчмӧдіс аграрийяслы шӧр могӧн — помавны «Сторожевск» СПК-ын, «Северная Нива» ООО-ын панӧм нин стрӧйбаяс да заводитны лэптыны «Важ Курья» ООО-лы выль ферма.

Ми вочаалім тайӧ индӧдъяссӧ зэв кыпыда, виччысим, мый миян кыптас выль карта, но... некутшӧм удж эз и пансьыв, да видз-му овмӧс воддза моз кӧртымалӧ лысьтан мӧсъяслы Пезмӧгын юр вевт.

«Важ Курья» ООО-ын уджалӧны зіль войтыр, найӧ збыльысь  став сьӧлӧмӧн радейтӧны ассьыныс чужанінсӧ, эновтны сійӧс дум ни кӧсйӧм налӧн абу. Но медым грездыс быдмис-сӧвмис водзӧ, медым том йӧз окотапырысь кольччисны татчӧ, колӧны техника-кӧлуйӧн могмӧдӧм содтӧд уджаланінъяс, бур удждон. 2011 воын миян воссис 40 морт вылӧ школа-сад, 2013-ын — выль клуб, эм ФАП... Ставыс эм, карта кындзи!

Та понда шыӧдчам отсӧгла тіян дінӧ и зэв ёна эскам, мый матысса кадӧ кыптас 780 юр вылӧ миян выль скӧт комплекс. Сійӧс лэптӧм нимкодьмӧдас грездкодьсӧ — посни-уловӧс и верстьӧӧс.

Лача кутӧмӧн — 102 кырымпас.

Редакциясянь: Мый виччысьны важкуасалы, лоас-ӧ налӧн выль карта? Татшӧм юалӧмӧн ми шыӧдчам Сергей Анатольевич дорӧ талун республикаса Юралыськӧд пресс-конференция дырйи. Вочакывсӧ йӧзӧдам «Коми мулӧн» матысса петасын.

KM 2 1KM 2 2

 

Добавить комментарий


наверх