Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Мед енэжыс вӧлі сӧстӧм

Мед енэжыс вӧлі сӧстӧм

KM 1 1

Афганистанысь сӧветскӧй войска петкӧдӧмсянь тырис 28 во.

Кыдзи и быд во, февраль 15 лунӧ Сыктывкарын Шогалысь салдатлы памятник дорын чукӧртчылісны Афганистанын войнаса ветеранъяс, налӧн гӧтыръяс, челядь, сэні усьӧмаяслӧн бать-мам, а сідзжӧ Чечняын да му-кӧдлаын йӧзӧдлытӧм косьын тышкасьысьяс.

Казьтыштам, Аймулӧн корӧм серти миян салдатъяс видзисны мирнӧй олӧмсӧ матӧ комынлаын, тшӧтш и Нагорнӧй Карабахын, Узбекистанын, Лунвыв Осетияын.

Сыктывкарын Шогалысь салдат дорӧ ассьыныс усьӧм ёртъяссӧ казьтыштны волӧны и Юрий Беляцкий, Ринат Ахметзянов да Вадим Давыдов. Коми Республикаын Афганистанса ветеранъяслӧн союзӧ да «Офицеры России» ӧтмунӧмӧ пырысьяс пасйисны, водзті пӧ мир пасьталаын олысьяс аттьӧавлісны сӧветскӧй воинӧс, а талун – Россияса салдатӧс. Кутам пӧ лача: миян юр весьтын енэжыс век лоӧ сӧстӧм.

Митинг вылӧ волысьяс казьтыштісны воин-интернационалистъясӧс здук кежлӧ чӧв ланьтлӧмӧн, пуктісны Шогалысь салдатлӧн памятник дорӧ дзоридзьяс.

KM 1 2

KM 1 3

Павел Королёв.

Снимокъясыс авторлӧн.

 

Добавить комментарий


наверх