Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Ворсӧ кантеле, юргӧ руна

Ворсӧ кантеле, юргӧ руна

KM 23 1

Тӧлысь мысти «Калевала» эпос лӧсьӧдысь Элиас Лённротлӧн чужӧмсянь тырас 215 во. А Финляндияын да Карелияын февраль 28 лунӧ пасйӧны весиг Калевалалысь лун.

Тайӧ тӧдчана пасъяслы сиӧм аддзысьлӧм вылӧ Россияса финн-йӧгра культура шӧринӧ корлісны Сыктывкарысь ныв-зонмӧс. Март 1 лунӧ сэні восьтісны «Калевала» в творчестве детей» выставка.

Выставка вылас петкӧдлӧма Ю.А.Спиридонов нима искусство гимназияын велӧдчысьяслысь, «Радужка» школа-студияӧ ветлысьяслысь, а сідзжӧ «Кижи» музей-заповедникӧн котыртлӧм конкурсын вермысьяслысь серпасъяс. Став уджсӧ челядь вӧчӧмаӧсь карелъяслӧн да финнъяслӧн «Калевала» эпос серти.

KM 23 2

Чукӧртчылӧм дырйиыс ныв-зонлы висьталісны финн-учёнӧй Элиас Лённрот йылысь, тӧдмӧдісны и, кыдзи вӧлі лӧсьӧдӧма эпоссӧ. Висьталісны и «Калевалаысь» шӧр геройяс — Вяйнемёйнен, Илмаринен, Лемминкяйнен да мукӧд — йылысь. Тайӧ эпос сертиыс жӧ 1958 воын режиссёр Александр Птушко снимайтлӧма «Сампо» фильм. Сэтысь юкӧн видзӧдігӧн челядь аддзылісны, кыдзи ворсӧны кантелеӧн да юргӧны рунаяс.

Финн-йӧгра культура шӧринын выставкаыс уджалас март помӧдз.

 

Добавить комментарий


наверх