Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Войвылын уджалысьӧс колӧ дорйыны

Войвылын уджалысьӧс колӧ дорйыны

KM 6 3

Ылі Войвылын удж вылӧ ина-сьӧм йӧзӧс олӧмас социальнӧй мытшӧд-падмӧгысь дорйӧм йылысь сёрни мунас тавося март 22-23 лунъясӧ Сыктывкарын регионъяскостса войвывса IV конференция вылын.

Такӧд йитӧдын юалӧмъяссӧ вӧлі видлалӧма неважӧн Коми Республикаса правительствоӧн веськӧдлысь, регионса велӧдӧм, наука да том йӧзлӧн политика кузя министр Наталья Михальченковалӧн юрнуӧдӧм улын совещание вылын.

Конференциясӧ нуӧдӧм могысь водзмӧстчӧмаӧсь Россияса асшӧр профсоюзъяслӧн федерация, а сідзжӧ производствоын да бюджет учреждениеясын уджалысьяслӧн профсоюз котыръяс.

Кыдзи юӧртіс оргкомитетлӧн уджӧн веськӧдлысь, «Профсоюз ТВ»-са главнӧй редактор Сергей Драндров, профсоюзын водзмӧстчысьясысь ӧтдор корӧмаӧсь волыны федеральнӧй исполнительнӧй власьт тэчасысь чина йӧзӧс, РФ-са Госдумаысь депутатъясӧс да Федерация Сӧветысь сенаторъясӧс, промышленникъяслӧн да предпринимательяслӧн союзын зільысьясӧс, странаса войвыв регионъясысь губернаторъясӧс да парламентарийясӧс.

Казьтыштам регионъяскостса войвывса III конференцияыс вӧлі кольӧм во Сургутын.

 

Добавить комментарий


наверх