Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Водзынӧсь кӧть бӧрынӧсь...

Водзынӧсь кӧть бӧрынӧсь...

KM 3 2

Кольӧм вежонӧ республикаса Юралысьлӧн Общественнӧй приёмнӧйын сёрниыс вӧлі йӧзлысь оланін вылӧ право торкалӧм йылысь.

«Веськыд йитӧда» телефон пыр шыӧдчысьяслы вочави-дзисны Сыктывкарса администрацияысь жилищнӧй политика кузя комитетын зільысь Николай Игнатов да юркарса прокурорлы отсасьысь Яна Семёнова.

Кыдзи пасйисны чукӧртчӧмаяс, йӧзыс тшӧкыда норасьӧны шогмытӧм керкаяс, сирӧтаясӧс оланінӧн да уна челядя семьяясӧс стрӧитчан му участокӧн омӧля могмӧдӧм вылӧ.

Со и та пӧрйӧ «веськыд йитӧда» телефон пыр чукӧртчӧмаяс дорӧ шы-ӧдчис Светлана, Сыктывкарысь уна челядя мам:

—Ми сизимӧн олам ичӧтик жыр-йын. Кӧсйим эськӧ сувтны стрӧитчыны му участок босьтӧм могысь ӧчередьӧ, но юркарса администрация-ын шуисны, патераныд пӧ кӧть ичӧт, но тіян вылӧ нӧшта на гижӧдӧма и сиктса керка. Сідзкӧ, оз вичмы миян-лы муыд?

Кыдзи вочавидзис прокуратураын зільысь Яна Семёнова, медым веськавны отсӧг сетан программаӧ, колӧ, медым оланінын быд морт вылӧ лоис 10,5 квадратнӧй метрысь этшаджык. Тіян пӧ эм на содтӧд керка, та вӧсна администрация подуласьӧ оланпас вылӧ. Верманныд пӧ видлыны судзӧдны мусӧ ёрдӧ шыӧдчӧмӧн.

Общественнӧй приёмнӧйӧ воліс Сыктывкарысь Антонина Григорьевна, коді уна во нин виччысьӧ выль оланін:

—Ми нывкӧд да сылӧн челядьыскӧд олам общежитиеын, 1991 восянь сулалам патера вылӧ ӧчередьын. 1997 воын вӧлім 200-ӧдӧн, но 2010 воын бӧр «веськалім» 447-ӧдӧ. Тайӧ каднас челядь быдмисны нин да лӧсьӧдісны ассьыныс семьяяс, но патераыд миянлы сідзи эз и вичмы.

—Тайӧ ӧчередьыс нюжалӧ Сӧвет кадсянь на, но йӧзсӧ оланінӧн мог-мӧдны зэв сьӧкыд, сьӧмыс та вылӧ оз тырмы да. И виччысьны лоӧ зэв дыр весиг воддзаясыслы. Ӧні Сыктывкарын оланін вылӧ ӧчередьын сулалӧ матӧ 8.000 морт. Кывлі, 2010 воын администрацияын компьютеръяс торксьылӧмаӧсь, та вӧсна ӧчередьыс дзугсьӧма. И талун «помсӧ» некыдз нин ог вермӧй аддзыны. Вӧзъя тіянлы видлыны босьтны му участок, гашкӧ, сійӧс судзӧдны лоӧ кокньыдджык, — вочавидзис жилищнӧй политика комитетын зільысь Николай Игнатов.

Чукӧртчӧмаяс дорӧ шыӧдчисны Сыктывкарысь Ахмедовъяс. Найӧ олӧны бурдӧдчанінын уджалысьяслӧн общежитиеын. Кольӧм во декабрын ӧтуволанінсӧ сетӧмаӧсь юркарса администрациялы. Та вӧсна пӧ йӧзыс, кодъясӧс удж вывсяньыс овмӧдлӧмаӧсь сэтчӧ, регыд колясны юр сюянінтӧг.

—Матӧ 200 морт вермасны веськавны улич вылӧ. Мыйла администрация оз кырымав миянкӧд оланін кӧртымалӧм йылысь сёрнитчӧм?

—Кольӧм во минздравлысь нёль общежитие сетісны мэриялы. Тані администрация подуласьӧ оланпас вылӧ, ӧд сэтчӧс олысьяскӧд сійӧ эз кырымавлы удж вылӧ медалӧм кузя договорсӧ и оланінсӧ налы эз сетлы. Та вӧсна колӧ шыӧдчыны ёрдӧ, мед тіян жырйӧ эз вайӧдны йӧзӧс, кодъяс сулалӧны оланін вылӧ ӧчередьын, — пасйис Николай Игнатов.

Павел Королёв.

Снимокыс авторлӧн.

 

Добавить комментарий


наверх