Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 2 1

Мераыс чорыд да, мӧрччӧ

Таво Сыктывкарса администрация ньӧбӧма нин бать-мамтӧм да налӧн дӧзьӧртӧг кольӧм челядьлы выльӧн кыпӧдӧм керкаясысь 44 патера.

Кыдз юӧртӧ Комиын Россияса ФССП-лӧн управление, тайӧс быть ковмӧма вӧчны судлӧн шуӧм серти. Мӧдарӧ, эз кӧ ло пӧртӧма олӧмӧ ёрдлысь кывкӧртӧдсӧ, судса приставъяс вермисны панны сідз шусяна исполнительнӧй производство да РФ-са УК-ысь 315-ӧд статья вылӧ подуласьӧмӧн кыскыны администрацияӧн веськӧдлысьӧс уголовнӧй кывкутӧмӧ.

Мераыс чорыд, зато чиналы мӧрччӧ. Мӧйму оланін сетӧмаӧсь 197 сирӧталы, воддза воын серти нёль пӧв унджыклы.

KM 2 2

Кӧсъян Росгвардияын служитны?

Комиын Россияса нацгвардиялӧн войскаысь вневедомственнӧй охраналӧн управление бӧрйӧ аслыс сотрудникъясӧс.

Кыдз тыдовтчӧ, талун Росгвардиялы полицейскӧйыс оз тырмы миян регионса уна муниципалитетын, торйӧн кӧ, Сыктывкарын, Ухтаын, Печораын, Усинскын, Интаын, Вуктылын, а сідзжӧ Емдін, Кулӧмдін, Мылдін, Луздор, Княжпогост да Сыктыв районъясын.

Тайӧ войскаас служитысьяслы шуӧма вичмӧдны оланпас серти пытшкӧс делӧяс тэчасын урчитӧм став социальнӧй гарантиясӧ.

KM 2 3

Лишалӧ? Вель на и уна

Комиын олысьяс видзӧны банкъясын 115,6 миллиард шайт. Кыдзи юӧртӧ республикаса Нацбанк, кольӧм во регионса кредит учреждениеясын депозит вылын торъя йӧзлӧн сьӧмыс содӧма 9,5 прӧчент.

Лишалана чӧжӧссӧ иналӧм могысь важ мозыс медся унаӧн шыӧдчӧны Сбербанклӧн Коми юкӧнӧ.

Кызвыннас сьӧмсӧ вайӧны шайтӧн. 2017 во заводитчигӧн евро-долларыс вӧлӧма сӧмын 9,3 прӧчент.

 

Добавить комментарий


наверх