Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Веріс сайӧ петны, кага вайны…

Веріс сайӧ петны, кага вайны…

KM 1 1

Март 18 лунӧ Коми Республикаса войтырлӧн Ёртасян керкаын петкӧдласны Александр Прошкинлысь «Охрана» фильм. Видзӧ-дысьяс аддзысьласны и киноас шӧр рольсӧ ворсысь Мария Коровинакӧд да продюсер Дмитрий Перкуловкӧд.

Удораса ныв Маша Коровина помавлӧма Ю.Спиридонов нима искусство гимназия, а сэсся велӧдчӧма Санкт-Петербургын театр искусстволӧн академияын. В.Савин нима драма театрын уджалӧма 2009 восянь, «Прошлым летом в Чулимске» спектакльын ворсӧма Валентинаӧс, «Truffaldino il servitore»-ын – Беатриче Распониӧс, «Правда – хорошо, а счастье лучше» петкӧдчӧмын – гӧтырпуӧс.

KM 1 2

Киноӧ Марияӧс корӧма Россияын паськыда тӧдса режиссёр Александр Прошкин. Медводз актриса ворсӧма «Райские кущи» фильмын неыджыд роль, а сэсся нин шӧр роль – «Охранаын».

Мария Коровиналӧн кывъяс серти, киноас шӧр рольыс сылы лоӧма виччысьтӧмӧн. Александр Прошкин жӧ шуӧ, Сыктывкарысь актриса пӧ сӧстӧм сьӧлӧма, ловтӧ шызьӧдысь-вӧрзьӧдысь ань. Буретш пӧ татшӧм и коліс фильмас.

–Киноас петкӧдлӧм олӧмыс меным тӧдса, и ворсны эз вӧв сьӧкыд, – висьталіс Мария Коровина. – Менам героиняӧй, Клавдия, матыс меным и аслас кӧсйӧмъясӧн: ме тшӧтш жӧ кӧсъя петны верӧс сайӧ, вайны кага. Ӧтиторйӧн сӧмын ми торъялам сыкӧд: Клавдия кӧ – ыджыд терпенньӧа морт, оз дӧзмы некод вылӧ, ме – абу дзик сэтшӧм. Кӧть и Клавдия оз жӧ чаг моз кывт, а зільӧ водзсасьны сьӧкыдлунъясыслы.

KM 1 3

Мариякӧд фильмас снимайтчисны нималана артистъяс Виктор Сухоруков, Антон Шагин, «Несчастный случай» группаын сьылысь Алексей Кортнев.

 

Снимокъясыс ӧтуввезйысь.

 

Добавить комментарий


наверх