Кольӧм вӧскресенньӧӧ Санкт-Петербургын помасис футбол Конфедерация кубок вӧсна ордйысьӧм. Вель дыр мир пасьталаысь фанатъяс виччысисны турнирсӧ, а гаж-ордйысьӧмыс син лапнитігкості быттьӧ и помасис. Он тай бергӧд венласьӧмлысь шуда здукъяссӧ. Кодлы мойвиис — босьтіс награда, а мукӧдыслы ковмас видлыны шедӧдны медальястӧ 2018 воын, кор Россияын нуӧдасны мирса чемпионат.

Кольӧм нэмся сизимдасӧд воясӧ ми ныв-пикӧд ветлім Белоруссияӧ гӧститны, олім рӧдвуж ордын Витебск карсянь неылын ичӧтик грездын.

Июнь 25 лун. 2 час лун. Ыджыдвидз школаса актӧвӧй зал тыри йӧзӧн. Сэтчӧ найӧс чукӧртіс республикаын паськыда тӧдса морт – Кино Вась (Василий Вячеславович Попов). Аттьӧ колӧ висьтавны школаӧн веськӧдлысь Любовь Васильевна Габовалы, мый лэдзис велӧдчанінас концертсӧ нуӧдны, ӧд сиктса культура керкаын бисӧ кусӧдӧмаӧсь. А ӧнія аппаратураыд битӧг оз уджав.

Ыджыдвидзса кындзи гудӧк шысӧ да сиктса мортлысь сьылӧмсӧ кывзыны локтӧмаӧсь зулӧбса, джиянса, выльыбса, сыктывкарса. Да весиг и Сосногорскысь воӧмаӧсь.

Бӧр ловзьӧдасны

Изьваын кӧсйӧны дзоньтавны Господь Преображенньӧ вичко, кодӧс кыпӧдлӧмаӧсь 1828 воын.

Таво «Завалинка» ставроссияса фестивальсӧ вӧлі сиӧма балалайка вӧчалысь Семён Налимовлӧн чужан лунсянь 160 во тырӧмлы. Гаж дырйиыс сьылан-йӧктан сямсӧ петкӧдліс Комиысь да Россияса мукӧд  регионысь 25 творческӧй котыр.

Лов кыпӧдана юӧр!.. Али абу лов?.. Энлӧй. Стӧча кӧ шуны, экономика кыпӧдан юӧр. Тадзтӧ бурджык. И сідз...

А мый йылысь нӧ ме?.. Отпускалӧм водзад тадзи и эм – чемоданын кӧть юрын, ставыс гудыр-гадыр...

Генпрокуратуралӧн артасьӧм серти, кольӧм во Россияын взятка сетӧм-босьтӧм чинӧма быдса 17,2 прӧчент вылӧ: 2015 воын кӧ оланпастӧ торкӧмаӧсь 6.399 морт, 2016-ӧдын – 5.297. Сӧмын!..

Гажа сьылӧм-йӧктӧмӧн, ордйысьӧм-ворсӧмӧн, уна сикас выставка-петкӧдчӧмӧн пасйисны юркарсаяс да налӧн гӧсьтъяс Россиялысь лун, а сідзжӧ Сыктывкарлы 237 во тырӧм.

Кольӧм воторникӧ республикаса правительстволӧн президиум видлаліс Комиын вӧр-ва дорйысьяслы зэв тӧдчана юалӧм, кодӧс регионса Юралысь Сергей Гапликовкӧд июнь 9 лунӧ аддзысьліганыс бара на кыпӧдісны «Изьватас» да «Коми войтыр» котыръясысь нырщикъяс Николай Рочев да Алексей Габов.

Казьтыштам, медшӧр сёрниыс налӧн вӧлі Комиын вӧр-ва доръян торъя министерство бӧр лӧсьӧдӧм йылысь. Алексей Габовлӧн видзӧдлас серти, тайӧ ведомствосӧ некыдз оз позь вӧлі ӧтувтны минпромкӧд, уджмогъясыс налӧн ёна торъялӧны да. Минпромлы медвойдӧр колӧ корсьны инвесторъясӧс, тшӧтш и суйӧр сайысь промышленникъясӧс, кодъяс вермасны вичмӧдны миян республикаын экономика водзӧ сӧвмӧдӧм вылӧ сьӧм. А вӧр-ва доръян министерстволӧн уджын медтӧдчанаыс – видзӧдны, медым минпромлӧн да промышленникъяслӧн ӧтувъя уджыс омӧль боксянь эз мӧрччы вӧр-валы. А суас кӧ нин ускӧттьӧыс, перйыны штрап либӧ мукӧд ногӧн чорыда ӧлӧдны оланпас торкалысьяссӧ. Министерстволӧн та вылӧ эм позянлуныс.

Олӧмалы – дон босьттӧг

Бур вӧчан воӧ Емдін районса Туискерӧс сиктын олысь Айму вӧсна Ыджыд тыш дырйи тылын уджалысь Анна Козловалысь дон босьттӧг гӧрисны ӧшинювса картупель мусӧ.

Россиялысь лун пасйӧм водзвылын «Коми войтыр» ӧтмунӧмын водзмӧстчысьяс петалӧмаӧсь экология да бур вӧчан волы сиӧм субӧтникъяс вылӧ, – юӧртӧ республикаса национальнӧй политика министерствоысь пресс-служба.