Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Шудаяс

Шудаяс

KM 2 1

Август 20 лунӧ Сыктывкарын нимӧдісны водзмӧстчысь войтырӧс. Республикалӧн чужан лун водзын найӧс пасйисны государственнӧй наградаясӧн.

–Ті– шуда йӧз, ӧд сьӧлӧмтӧ и тӧдӧмлунтӧ сетанныд радейтана уджлы. Тіян вермӧмъяс вылӧ подуласьӧ республиканымлӧн сӧвмӧмыс. Кымын унджык лоас тіян кодь йӧзыс, сымын ёнджыкӧн лоас миян муным, – наградитӧмаясӧс чолӧмалігӧн шуис Коми Республикаса юралысь Сергей Гапликов да сиис налы крепыд дзоньвидзалун, шуд да тыр-бур олӧм.

 

KM 2 2

Литература сӧвмӧдӧмӧ ыджыд пай пуктӧмысь регионса юралысьлӧн индӧдӧн «Коми Республикаса народнӧй гижысь» ним сетісны Виктор Егорович Напалковлы да Пётр Митрофанович Столповскийлы. Сизим морт, на пӧвстын и велӧданног сӧвмӧдан институтысь лабораторияӧн веськӧдлысь Зоя Васильевна Остапова, лоисны Коми Республикаса заслуженнӧй уджалысьясӧн.

Республикаса Почёт грамотаӧн наградитӧмаяс пӧвстын и миян
уджъёрт, «Чушканзі» журналса главнӧй редактор Григорий Фёдорович Хатанзейский.

На лыдын, кодъяслысь уджсӧ вӧлі вылӧ донъялӧма – учёнӧйяс, бурдӧдысьяс, инженеръяс, культураын зільысьяс, кага видзысьяс, шоперъяс, социальнӧй юкӧнын уджалысьяс да мукӧд профессияа войтыр.

KM 2 3

Снимокъясыс ӧтуввезйысь.

 

Добавить комментарий


наверх