Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - И триньӧбтас медводдза звӧнок

И триньӧбтас медводдза звӧнок

KM 1

Сентябрь 1 лунӧ Россия пасьтала заводитчас выль велӧдчан во. Миян республикаын матӧ 11 сюрс ныв-зонкалы триньӧбтас медводдза звӧнок. Первой классӧ мунас и Сыктывкарысь Дарья Кузнецова.

Дашакӧд да Светлана мамыскӧд медводдзаысь аддзысигӧн синмӧ дзик пыр шыбитчис, мый нывка бура нин дасьтысьӧма школаӧ мунігкежлӧ. Мича платтьӧа, кык пашкыр банта, мыш саяс – ыджыд ранеч.

Сёрни сайын тыдовтчис Дарьялӧн кыпыд руыс да велӧдчыны мунны окотитӧмыс. Сылӧн эскӧдӧм серти, абу пӧ эськӧ окота «видзаколянасьны» детсадкӧд, но ӧд быдӧнлы колӧ босьтны выль тӧдӧмлун.

–Чайта да, школаын тшӧтш лоас гажа да лӧсьыд, – нюммуніс нывка.

Дашалӧн мамыс висьталіс, мый кагукыс мунас велӧдчыны юркарса 38-ӧд номера школаӧ. Весиг тӧдмасьӧмаӧсь нин медводдза велӧдыськӧд – Елена Васильевна Макарова кутас туйдыны-ышӧдны 27 ныв-зонмӧс. Дарьялы пӧ зэв ёна кажитчис, терпенньӧыс нин бырис, сэтшӧма виччысьӧ сентябрь 1 лунсӧ.

Чолӧмалам Дашукӧс да став велӧдчысьсӧ локтан гажӧн, сиам, медым сылӧн кыпыдлуныс ыджыдаліс томуловлӧн лов-сьӧлӧмын велӧдчигчӧж!

Павел Королёв.

Снимокыс авторлӧн.

 

Добавить комментарий


наверх