Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - «Дрифтитӧны», а тэныд повны...

«Дрифтитӧны», а тэныд повны...

khatanzeyskiy

Сьӧлӧмӧй вирӧн ойдліс, кодыр тӧдмалі тайӧ юӧрсӧ. Январь 28 лунӧ пӧшти кӧкъямыс час рытын юркарса туй вуджанінын талялӧмаӧсь куим арӧса нывкаӧс. Кагаыс пӧ мамыскӧд вӧлӧма, пукалӧма даддьын, но кутшӧмкӧ здукӧ чеччӧма да мӧдӧма котӧртны «зебраті» светофорлӧн гӧрд би улӧ. Рӧкыд вылӧ сылы туйсӧ потшӧма иномарка...

Нывка кувсьӧма «тэрыб отсӧг» сетысьяслӧн машинаын.

Мунӧ туясьӧм. Эм-ӧ тані мыжаыс, кывкӧрталасны погона войтыр. Но ӧд дзолюкӧс он нин ловзьӧд!..

Кутшӧмкӧ лунӧ рытын жӧ петі керка ӧшинь улысь лым зыртны. Видзӧда, туйӧдыс лэбӧ важиник «шестёрка». Тыдалӧ, гожся шинаа, да машина бӧрсӧ сӧмын ӧтарӧ-мӧдарӧ шыблалӧ. Фара ни габарит би оз ӧзйыны. Муртса думышті, мися, мый нӧ тайӧ керсьӧ!.. «Шестёркаыд» ыджыд ӧдӧн тювгысис туй бок толаӧ. Лымйыс тай шемӧсмӧдана киноын моз енэжас качліс-а. Сэсся салонсьыс чепӧсйисны... сизим зонка. Ставныслы ар 16-17 кымын. Руз-раз! Руз-раз!.. Йӧткалісны машинасӧ толасьыд да ӧддзӧдчӧмӧн чеччалісны восьса ӧдзӧсъясӧд бӧр. Слабог, ылӧдз эз жӧ мунны — метр комын сайын «кӧрт чибукныс» дудіс. Ме котӧрӧн на дінӧ. Мися, ті мый вӧчанныд?! Юрныд оз уджав, а ки-кок новлӧдлӧ! Чӧрту асьныд, верманныд ӧд кодӧскӧ на дойдавны! Тані олысьяс  быд рыт сынӧдӧн лолыштны петавлӧны, овлӧны и челядь... Нинӧм воча эз шуны том йӧз, йӧткасигмоз саялісны туй чукыльын.

Но менам эз на ӧвсьыссьы — звӧнитлі карса автоинспекторъяслы. Найӧ эскӧдісны, волам пӧ да разберитчам. Ог тӧд, волісны эз, а лун-мӧд мысти серйӧдлӧм пемыдгӧрд «шестёркаыд» бара нин «дрифтитіс» Вылыс Максаковкалӧн медся йӧзаинтіыс — шӧр уличаті...

Григорий ХАТАНЗЕЙСКИЙ.

 

Добавить комментарий


наверх