Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ОКОТА ЮАВНЫ

ОКОТА ЮАВНЫ

КМ 02

Коми Республикаса водзмӧстчысь аньяслӧн котыр вӧзйӧма сувтӧдны юркарын ыджыд мамлы памятник.

Кыдзи ті чайтанныд, збыльысь-ӧ колана миянлы татшӧм памятникыс? А кодӧс нӧшта колӧ тадзи жӧ казьтывны-нэммӧдны, а гашкӧ, нимӧдны?

 

Марина Андреева, республикаса культура, туризм да архив удж кузя министерствоысь управлениеӧн веськӧдлысь:

—Тайӧ зэв бур мӧвп. Ыджыд мамӧс да пӧчӧс нимӧдан памятникыс Сыктывкарын быть колӧ. Сӧмын, чайта да, сійӧс колӧ сувтӧдны оз Кафедральнӧй собор йӧрӧ, кӧні эмӧсь нин Вежа Степанӧс, Пётрӧс да Февронияӧс казьтылан пасъяс, а кутшӧмкӧ паркӧ.

Людмила Цивончук, пенсионерка, Сыктывкар:

—Ачым ыджыд мам нин да, меным тайӧ юӧрсьыс нимкодь лои. Дерт, коми аньлы памятникыд колӧ. Ӧд мыйта сьӧкыдсӧ сійӧ пыкис-веніс. Менам олӧма нин тьӧтӧй пыр синва сорӧн казьтывлӧ война кадсӧ. Кывзан, кыдзи тшыг нисьӧ пӧт сэки уджалӧмаӧсь-олӧмаӧсь да, аслад синваыд доршасьӧ…

Дмитрий Шатохин, РФ-са Сӧветын Коми Республикаса исполнительнӧй власьт тэчассянь сенатор:

—Кулӧмдін районысь петлӧм, а ӧні Сыктывкарын олысь войтырлӧн землячествоӧ пырысьяскӧд ӧтув кӧсъям восьтыны миян пыдди пуктана морт, шонъянӧй нин Феликс Кармановӧс казьтылан пӧв. Феликс Григорьевич вӧлі Россияса заслуженнӧй стрӧительӧн, Коми Верхсӧветын да Госсӧветын некымын созывса депутатӧн, бюджет, вуз-вот да экономическӧй политика комитетӧн веськӧдлысьӧн. Феликс Григорьевичлӧн югыд паметьыс некор оз вушйы миян сьӧлӧмысь.

Сергей Жеребцов, водзмӧстчысь томуловлӧн республикаса шӧринӧн веськӧдлысь:

—Памятникыд да казьтылан пасыд уна оз овлы. Колӧ и водзӧ нэммӧдны республиканымӧс сӧвмӧдӧмӧ ыджыд пай пуктысьясӧс. Чайта, томуловӧс патриотическӧя велӧдӧмын памятниклӧн тӧдчанлуныс зэв ыджыд.

Елена Шомысова, СГУ-са вӧвлӧм велӧдысь, Москва:

—Олӧма коми аньлы памятник колӧ сувтӧдны кар шӧрын, а оз вичко йӧрын. Чайта да, куслытӧм би да Шогалысь воин дорӧ моз жӧ праздникъяс дырйи да и мукӧд тӧдчана лунӧ карын олысьяс сэтчӧ кутасны вайны дзоридз.

Николай Истомин, консерваторияса студент, Петрозаводск, Карелия:

—Зэв бур мӧвп. А ме, кыдзи музыкант, вӧзйи эськӧ Сыктывкарын кыпӧдны нималана коми композитор Яков Перепелицалы сиӧм памятник. Сійӧ менсьым пӧльӧс на шыладӧ велӧдлӧма. 

Эмилия Братенкова, пенсионерка, Изьва сикт:

—Коми АССР-ын, а сэсся Коми Республикаын олысьяс бур кывъясӧн казьтывлӧны КПСС обкомса вӧвлӧм первой секретарь Иван Морозовӧс, а памятникыс сылы ӧнӧдз абу…

Нина Обрезкова, коми гижысь, Сыктывкар:

—Шуӧма кӧ нин вӧчны коми пӧчлы памятник, сійӧс лӧсьӧдӧм могысь колӧ ставсӧ тыр-бура мӧвпыштны. Ме эськӧ вӧзйи, мед сійӧ сулаліс пач вом дорын.

Яков Шлегель, СГУ-са студент, Сыктывкар:

—Коми кыйсьысь-вӧралысьӧс нимӧдан пас колӧ восьтыны Сыктывкарын. Либӧ Сыктывдін районса Ыбын, финн-йӧгра этнопаркын.

Галина Клочкова, пенсионерка, Нью-Йорк, США:

—Чайта да, ыджыд мам-пӧчлы памятникыд колана. Но, ме думысь, колӧ сувтӧдны Айму вӧсна Ыджыд тыш дырйи тылын Победа дорысьяслы памятник. Вынсӧ жалиттӧг мырсьӧмысь да тшыгсӧ пыкӧмысь.

 

Добавить комментарий


наверх