Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - № 8 (18313)

Бурсиӧм

khatanzeyskiy

Воторник рыт гортын пукала, некодӧс ог дӧзмӧд, ужнайта – и на тэд! Телевизорын помся мӧдісны юӧртны: аски пӧ Россияса президент кӧсйӧ шыӧдчыны граждана дорӧ...

Ёртъяс, тадзи повзьӧдчынытӧ абу лӧсьыд! Ме ӧд муртса гӧбӧчӧ пӧльлӧн сімӧм берданкала эг пыр. Чайті, всё, заводитчис – дзикӧдз дӧзмӧдісны медыджыднымӧс американечьяслӧн весиг аслыныс гӧгӧрвотӧм да мустӧм санкцияясыс. Но пражитӧм чипан яй гос киысь чышкалігӧн (футболкаӧс ковмис дзебны, мед муса гӧтыр оз аддзы) дум вылӧ уси: а мыйла аски? Ми вермам и талун! ГТО-тӧ, майбыр, сдайтім да ӧні тӧдам – сёйӧм ни узьӧм оз ков, век дасьӧсь!..

И триньӧбтас медводдза звӧнок

KM 1

Сентябрь 1 лунӧ Россия пасьтала заводитчас выль велӧдчан во. Миян республикаын матӧ 11 сюрс ныв-зонкалы триньӧбтас медводдза звӧнок. Первой классӧ мунас и Сыктывкарысь Дарья Кузнецова.

Дашакӧд да Светлана мамыскӧд медводдзаысь аддзысигӧн синмӧ дзик пыр шыбитчис, мый нывка бура нин дасьтысьӧма школаӧ мунігкежлӧ. Мича платтьӧа, кык пашкыр банта, мыш саяс – ыджыд ранеч.

Выльыс сӧмын Гриваын да Кыддзавиддзын

KM 4

Россияса народнӧй фронтысь водзмӧстчысьяс водзӧ туялӧны, кыдзи Коми Республикаын сиктса войтырӧс бурдӧдӧны-лечитӧны. Тыдовтчис, ни ӧти ФАП оз тырвыйӧ лӧсяв Россияса минздравсоцразитиялӧн тшӧктӧмъяслы. Тавося майын нин общественнӧй котырӧ пырысьяс индылӧмаӧсь, мый уна фельдшерско-акушерскӧй пунктын весиг китӧ мыськыны некӧн.

«Не вой» и бур вой!

khatanzeyskiy

Гаж — гажӧн, но ме, ёртъяс, тӧрыт войсӧ зэв лёка узи.

Мися, аски удж вылӧ колӧ мунны да, водзджык и воді. Муртса синмӧс куни, ӧшинь сайын кыдз тай грымӧбтіс: ба-бах!.. Ба-ба-ба-ба-бах!.. Чеччи. Енэжыс востымасьӧ, но он гӧгӧрво — коді, кодӧс и, главнӧйыс, мыйла?.. Бӧрас эськӧ воис жӧ юрӧ, мый дона республиканымлысь ӧкмысдас сизимӧд чужан лунсӧ татшӧм гораа да яръюгыда пасйӧны. А меным мый? Меным аски удж вылӧ!..

Шудаяс

KM 2 1

Август 20 лунӧ Сыктывкарын нимӧдісны водзмӧстчысь войтырӧс. Республикалӧн чужан лун водзын найӧс пасйисны государственнӧй наградаясӧн.

–Ті– шуда йӧз, ӧд сьӧлӧмтӧ и тӧдӧмлунтӧ сетанныд радейтана уджлы. Тіян вермӧмъяс вылӧ подуласьӧ республиканымлӧн сӧвмӧмыс. Кымын унджык лоас тіян кодь йӧзыс, сымын ёнджыкӧн лоас миян муным, – наградитӧмаясӧс чолӧмалігӧн шуис Коми Республикаса юралысь Сергей Гапликов да сиис налы крепыд дзоньвидзалун, шуд да тыр-бур олӧм.

Чужан лунӧн, республика!

KM 1

Август 22 лунӧ Коми Республикалы тырис 97 во. Такӧд йитӧдын регионса кар-районъясын, торйӧн нин Сыктывкарын, муніс уна сикас ордйысьӧм-ворсӧм, выставка-петкӧдчӧм, а сценасянь юргисны гажа сьыланкывъяс.

Сӧмын поводдяӧн тавося гажлы эз ёна мойви: асывсяньыс буситіс арся зэр, пӧльтіс чизыр тӧв, и сӧмын ичӧтик здук кежлӧ шонді мыччӧдлывліс ассьыс «нюмсӧ». Но та вылӧ видзӧдтӧг карса уличаяс вылын вӧлі йӧза. Сьӧкыд стӧча шуны, мыйла  юркарса да гӧсьтъяс эз повны кӧтасьны-кынмыны. Гашкӧ, налы вӧлі долыд чужанінлӧн нимлун вӧсна? А колӧкӧ, и вежон шӧрын шойччан луныд кыпӧдіс налысь ловсӧ...

ОКОТА ЮАВНЫ

КМ 02

Коми Республикаса водзмӧстчысь аньяслӧн котыр вӧзйӧма сувтӧдны юркарын ыджыд мамлы памятник.

Кыдзи ті чайтанныд, збыльысь-ӧ колана миянлы татшӧм памятникыс? А кодӧс нӧшта колӧ тадзи жӧ казьтывны-нэммӧдны, а гашкӧ, нимӧдны?

«Дрифтитӧны», а тэныд повны...

khatanzeyskiy

Сьӧлӧмӧй вирӧн ойдліс, кодыр тӧдмалі тайӧ юӧрсӧ. Январь 28 лунӧ пӧшти кӧкъямыс час рытын юркарса туй вуджанінын талялӧмаӧсь куим арӧса нывкаӧс. Кагаыс пӧ мамыскӧд вӧлӧма, пукалӧма даддьын, но кутшӧмкӧ здукӧ чеччӧма да мӧдӧма котӧртны «зебраті» светофорлӧн гӧрд би улӧ. Рӧкыд вылӧ сылы туйсӧ потшӧма иномарка...

Нывка кувсьӧма «тэрыб отсӧг» сетысьяслӧн машинаын.

Мунӧ туясьӧм. Эм-ӧ тані мыжаыс, кывкӧрталасны погона войтыр. Но ӧд дзолюкӧс он нин ловзьӧд!..

Видзны да нэммӧдны

КМ 1

Владимир Муравьёвӧс бура тӧдӧны Сыктывдін районын, ӧд сійӧ нэмсӧ олӧ тані, велӧдліс Кӧмъярса да Ыбса школаясын, уджавліс Выльгорт сиктса да районса администрацияясын, а ӧні веськӧдлӧ Эмилия Налимова нима история да культура музейӧн.

наверх