Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - И Намын олысь доймалӧма

И Намын олысь доймалӧма

Июнь 12 лунӧ Крымын туй выв неминучаын доймалӧма и Комиын олысь.

Ускӧттьӧыс лоӧма 9.30 час асылӧ Массандра дорын. Автобусын, коді зурасьӧма «Газелькӧд», вӧлӧма 27 морт, на пиысь витыс челядь.

Крымса ГИБДД-ысь пресс-секретарь Наталья Кашкарова юӧртіс, мый «Газель» руль сайын пукалысь висьталӧма, тормозӧй пӧ ӧткажитіс, да та вӧсна и автобусыс путкыльтчӧма. Туристъясыс вӧлӧмаӧсь Москваысь, Челябинскысь, Нижневартовскысь, Пенза обласьтысь да Коми Республикаысь. Доймалӧмаясӧс, а тайӧ ӧкмыс морт, нуӧмаӧсь Ялтаса больничаӧ. Ӧти на пиысь реанимацияын.

Кыдзи лои тӧдса, доймалӧма Кӧрткерӧс районса Намысь Галина Николаевна Шаманова.

—Тайӧ миян активистка, сьылӧ хорын, быдтіс вит челядьӧс, уджаліс детсадйын. Февральын сылы тыри 70 арӧс, — висьталісны Намса администрацияын.

Галина Николаевналы звӧнитчыны эг вермы, телефонсӧ кусӧдӧма да. Но Намса пӧдругаыс Екатерина Михайловна висьталіс:

—Нылыс быд во ньӧбӧ сылы путёвка шойччыны. Та пӧрйӧ бара нуӧдіс, тшупӧда пас кежлас козин вӧчис. Галина Николаевна вӧлі шуӧ, мый дыш нин муннысӧ. А ме ышӧді, мися, кор нуӧдӧны, сэки и колӧ ветлыны. Бӧрынджык меным Крымсяньыс звӧнитчис да нимкодясис, кутшӧм пӧ лӧсьыд!

Сэсся Екатерина Михайловналы юӧр воӧма, мый радейтана пӧдругаыс туй выв неминучаӧ веськалӧма. Нывбаба ёна майшасьӧма, нывъёртыс телефонсӧ абу босьтӧма да. Но Мордінысь Галина Николаевналӧн пиыс висьталӧма, мый чойыслӧн семьясьыс ставыс дзоньвидзаӧсь, а мамыслӧн ордлыыс чегӧма. Больничаӧ нуӧмаӧсь. Но, гашкӧ, аски пӧ лэдзасны нин.

Екатерина МАКАРОВА.

 

Добавить комментарий


наверх