Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ЧЕЛЯДЬ ДА МИ

ЧЕЛЯДЬ ДА МИ

KM 4

Татшӧм мамыд оз ков?

Сыктывкарын судса приставъяслӧн федеральнӧй служба управлениеын уджалысьяс опека да попечительство учреждениеысь специалистъяскӧд шуӧмаӧсь босьтны юысь гозъялысь куимнан челядьсӧ, зонпосни бӧрсяыс некутшӧм дӧзьӧр абу да.

Кыдз тыдовтчӧма на ордӧ общежитиеас волігас, олан жырйыс вӧлӧма дурк да няйт, код тӧдас мыйдыра нин абу идравлӧмаӧсь-пелькӧдлӧмаӧсь да.

Юысь гозъялӧн дас ӧти тӧлысся каганыс вӧлӧма гортас, приставъяс нуӧмаӧсь сійӧс челядьлӧн республикаса больничаӧ, вит арӧса нывкаӧс да кӧкъямыс арӧса зонкаӧс — тыр арлыдтӧмъяслӧн социально-реабилитационнӧй шӧринӧ. Сэні зонпосни кутасны овны, кытчӧдз суд оз видлав на вылӧ мамыслысь правосӧ мырддьӧм кузя делӧсӧ. УФССП-са пресс-службалӧн юӧр серти, такӧд йитӧдын шуӧмаӧсь нӧрӧвитыштлыны, нывбабаыслы сетӧмаӧсь кад дугӧдчыны юӧмсьыс да вайӧдны оланіннысӧ пӧрадокӧ. Мӧдарӧ, челядьсӧ сылысь ёрд пыр мырддясны.

Киас тасма босьтӧма

Мылдінын олысь 37 арӧса мужичӧйлы ковмас суд водзын кывкутны сизим арӧса писӧ нӧйтӧмысь.

Кыдз тыдовтчӧма сы вылӧ панӧм уголовнӧй делӧсӧ туялігӧн, зонкалы сьӧкыда вӧлӧм сетчӧ школаын велӧдчӧмыс да, батьыс киас тасма босьтӧма. Тшӧкыда нӧйтӧма писӧ и электрочайник проводӧн.

Коркӧ ӧтчыд детинка дзебсьӧма крӧвать улас, но из сьӧлӧма батьыс чорыд кабырнас шошаӧдыс кыскӧма сэтысь да пӧвсалӧма «сьӧлӧм бурмытӧдзыс».

 

Добавить комментарий


наверх