Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Мед гӧгӧр СӦСТӦМ вӧлі

Мед гӧгӧр СӦСТӦМ вӧлі

KM 3 1

Россиялысь лун пасйӧм водзвылын «Коми войтыр» ӧтмунӧмын водзмӧстчысьяс петалӧмаӧсь экология да бур вӧчан волы сиӧм субӧтникъяс вылӧ, – юӧртӧ республикаса национальнӧй политика министерствоысь пресс-служба.

Накӧд ӧтув пелькӧдчӧмаӧсь и уна сикас землячествоын зільысьяс, меставывса сӧветъясысь депутатъяс, кар-районын олысьяс. 500-ысь унджык морт субӧтничайтӧма ю-ты берегъясын, сикт-грездсянь матысса вӧр доръясын, туй пӧлӧнъясын.

Сыктывкарын олысьяс пелькӧдчӧмаӧсь Эжва районӧ пыранінын автозаправочнӧй станция гӧгӧрын, а сідзжӧ Выльтыдорын. Карбердса тайӧ посёлокас тувсов ытваыс кылӧдӧма-вайӧма матігӧгӧрсьыс быдсикас лӧп-ёгсӧ, тшӧтш и тылач-ютшсӧ да кӧртысь шыблассӧ. И ставсӧ тайӧс петкӧдны-нуны ковмӧма «КамАЗ»-ӧн. 40 мешӧк чукӧрмӧма лӧп-ёгыс и Эжваын.

KM 3 2

«Коми войтыр» ӧтмунӧмын зільысьяслӧн водзмӧстчӧмӧн экологиялы сиӧм субӧтник вылӧ петалӧмаӧсь и Емдін районса сикт-грездын олысьяс. Пелькӧдӧмаӧсь Гамын культура керкалысь да этнография музейлысь, а сідзжӧ Айкатыласа краеведческӧй музейлысь ӧшинь увъяс, дзоньталӧмаӧсь «Крестья-нинлӧн керка-музей» гӧгӧрысь потшӧссӧ, отсалӧмаӧсь и войнаса ветеранъяслы да тылын зільысьяслы горт овмӧсаныс колана удж вӧчны. Айкатыла сиктсӧветысь депутатъяс весалӧмаӧсь лӧп-ёгысь Тыдорысь ю-ты берегсӧ, кытчӧ окотапырысь волывлӧны йӧзыс шойччыны.

А Вуктылын «Коми войтырлысь» водзмӧстчӧмсӧ ошкӧмаӧсь и общественнӧй да енлы эскысьяслӧн котыръяс, и национальнӧй землячествояс да ӧтсӧгласӧн петалӧмаӧсь пелькӧдны «Таёжный» сквер, кытчӧ карын олысьяс окотапырысь жӧ волывлӧ-ны прӧст каднысӧ коллявны.

 

Добавить комментарий


наверх