Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - ДЖЕНЬЫДА

ДЖЕНЬЫДА

KM 2 1

Олӧмалы – дон босьттӧг

Бур вӧчан воӧ Емдін районса Туискерӧс сиктын олысь Айму вӧсна Ыджыд тыш дырйи тылын уджалысь Анна Козловалысь дон босьттӧг гӧрисны ӧшинювса картупель мусӧ.

Тайӧс аслас трактор-гӧрнас вӧчис кусӧдчысьяслӧн 121 номера часьтысь командир Николай Туркин, – юӧртӧ республикаын билы паныд водзсасян да йӧзӧс доръян управлениелӧн пресс-служба.

KM 2 2

Медводдза кывкӧртӧд

Тӧдӧмлун донъялан республикаса юӧр сетан шӧрин йӧзӧдіс математикаысь (базӧвӧй тшупӧд), географияысь да информатикаысь ӧтувъя госэкзаменъяс кузя кывкӧртӧд.

Кыдз тыдовтчис, челядь босьтӧмаӧсь бур тӧдӧмлун. Информатикаысь экзаменсӧ нёль велӧдчысь сдайтӧмаӧсь 100 балл вылӧ, географияысь медуна баллыс – 96.

Школа помалысьяс ЕГЭ-лӧн кывкӧртӧдъясӧн вермасны тӧдмасьны асланыс велӧдчанінын, а сідзжӧ ӧтувъя госэкзаменлӧн ege.edu.ru порталын да тӧдӧмлун донъялан республикаса юӧр сетан шӧринлӧн сайт вылын.

KM 2 3

Зеленечса – медбурӧсь

Тверь обласьтын «Троицкие обереги-2017» регионъяскостса конкурс вылысь вермысьӧн воис Сыктывдін районысь Зеленеч сиктса культура керкаысь «Лолалӧм» сьылан да йӧктан котыр.

Пасъям, Зеленечысь тайӧ ансамбльнас веськӧдлӧ Лариса Якунина.

 

Добавить комментарий


наверх