Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Вӧр-ватӧ минпромыд оз дорйы

Вӧр-ватӧ минпромыд оз дорйы

Кольӧм воторникӧ республикаса правительстволӧн президиум видлаліс Комиын вӧр-ва дорйысьяслы зэв тӧдчана юалӧм, кодӧс регионса Юралысь Сергей Гапликовкӧд июнь 9 лунӧ аддзысьліганыс бара на кыпӧдісны «Изьватас» да «Коми войтыр» котыръясысь нырщикъяс Николай Рочев да Алексей Габов.

Казьтыштам, медшӧр сёрниыс налӧн вӧлі Комиын вӧр-ва доръян торъя министерство бӧр лӧсьӧдӧм йылысь. Алексей Габовлӧн видзӧдлас серти, тайӧ ведомствосӧ некыдз оз позь вӧлі ӧтувтны минпромкӧд, уджмогъясыс налӧн ёна торъялӧны да. Минпромлы медвойдӧр колӧ корсьны инвесторъясӧс, тшӧтш и суйӧр сайысь промышленникъясӧс, кодъяс вермасны вичмӧдны миян республикаын экономика водзӧ сӧвмӧдӧм вылӧ сьӧм. А вӧр-ва доръян министерстволӧн уджын медтӧдчанаыс – видзӧдны, медым минпромлӧн да промышленникъяслӧн ӧтувъя уджыс омӧль боксянь эз мӧрччы вӧр-валы. А суас кӧ нин ускӧттьӧыс, перйыны штрап либӧ мукӧд ногӧн чорыда ӧлӧдны оланпас торкалысьяссӧ. Министерстволӧн та вылӧ эм позянлуныс.

Николай Рочев сідзжӧ тӧдчӧдіс, мый кӧть и миян республикаын вӧр-ва доръян котыръясыс зэв вынаӧсь, найӧ оз вермыны оланпасъяс вылӧ подуласьӧмӧн чиршӧдлыны аснаукасьысь промышленникъясӧс, абу та вылӧ правоныс да. Росприроднадзор управлениеын сӧмын некымын морт уджалӧ да, быдлаӧ киныс налӧн оз жӧ судзсьы.

Сергей Гапликов эскӧдіс шыӧдчысьясӧс, мый тайӧ юалӧм кузяыс кывкӧртӧдсӧ лоӧ вӧчӧма матысса кадӧ нин.

И, кыдз юӧртіс кольӧм воторникӧ сылӧн пресс-службаыс, правительстволӧн президиум дырйи Юралысь пасйӧма, мый республикаын олысьяслы татшӧм зэв тӧдчана юалӧмъяссӧ и збыльысь колӧ видлавны общественнӧй котыръяскӧд ӧтвылысь.

Сергей Гапликовлӧн индӧд серти, промышленносьт, мупытшкӧсса озырлун, энергетика да транспорт министерствосӧ лоӧ юкӧма кык ведомство вылӧ: ӧтиыс кутас кывкутны мупытшкӧсса озыр-лунӧн вӧдитчӧм да вӧр-ва видзӧм, а мӧдыс – инвестицияяс судзӧдӧм, промышленносьт да транспорт сӧвмӧдӧм вӧсна.

Такӧд йитӧдын став колана уджсӧ шуӧма вӧчны тавося сентябрӧдз.

 

Добавить комментарий


наверх