Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - Коми му

Таво ОТСӦГЫС лоас ыджыдджык

КМ 3 1

Таво крестьянин овмӧс кутысьяслы (фермеръяслы) государствосянь сьӧма отсӧгсӧ шуӧма сетны ыджыдджыкӧс. Комиын татшӧм кокньӧдыс вичмас сизимысь оз этшаджык овмӧслы. Асшӧр уджӧ босьтчысь на фермеръяслы та могысь артыштӧма дас куим миллионысь унджык шайт, семьяӧн скӧт видзан ферма кутысьяслы – кызь кык миллион.

Миян аскиа луныс сюсь да мича

КМ 1

Студентка, активистка, спортсменка... и прӧста – мича ныв!

Татьяна Каневалӧн чужаніныс – Изьва районса Галфедь грезд (буретш тайӧ иныс нималӧ мир пасьтала нин аслас гӧгрӧс изъясӧн). Нывка помалӧма зарни медальӧн Кельчиюрса шӧр школа. Ичӧтсяньыс мӧвпалӧма лоны педиатрӧн либӧ велӧдысьӧн, челядь ёна кажитчӧны да. Но гырысьджык классъясын журналистика кружокӧ ветлӧм бӧрын гӧгӧрвоӧма, мый водзӧ олӧмсӧ йитас буретш тайӧ удж сикасыскӧд.

Йӧз вӧсна тӧждӧн

КМ 2

Кольӧмвося декабрь 25 лунӧ Рытыв-Войвыв кытшын Россияса президентлӧн полномочнӧй представительӧн вӧлі индӧма Александр Бегловӧс. Таӧдз сійӧ уджалӧма Шӧр федеральнӧй кытшын президентӧс петкӧдлысьӧн.

АСЬНЫМ ВӦЗЪЯМ, кӧні мый колӧ бурмӧдны

Кыдзи юӧртлім нин, Комиын босьтчисны чукӧртны республикаса каръяслысь чужӧмбансӧ мичмӧдӧм-бурмӧдӧм кузя сэні олысьяссянь вӧзйӧмъяс.

Казьтыштам, тайӧ уджсӧ нуӧдӧны «Формирование комфортной городской среды» федеральнӧй программа збыльмӧдӧмкӧд йитӧдын.

Кольӧм вежонӧ регионса нӧшта нёль муниципалитетын олысьяслы вӧлі сетӧма позянлун юксьыны та кузя асланыс вӧзйӧмъясӧн.

Сосногорскын такӧд йитӧдын позьӧ шыӧдчывны жилкомхозлӧн управлениеӧ (Куратов уличаса 2 номера керкаӧ).

Интаын та могысь торъя кудъяс лӧсьӧдӧма карса администрацияын (Горький уличаса 16-ӧд керкаын), йӧзӧс социальнӧя доръян юкӧнын госуслуга сетан шӧринын (Куратов уличаса 66 номера керкаын), а сідзжӧ карса шӧр поликлиникаын (Киров уличаса 36-ӧд керкаын).

Ог кӧ асьным, сідзкӧ, коді?..

khatanzeyskiy

Лыддя мӧд редакцияса уджъёртлысь гижӧд: ӧнія коми сьыланкывъяслӧн «Василей» фестиваль дырйи республикаса юралысь пӧ юӧртіс, мый таво Комиын лоӧ Культура во...

Нинӧм ог шу, молодеч... Молодеч миян регионысь культураса министрным! 2014 воын на Россия пасьтала нимӧдісны культура. И со бара... Рочасьышта, закрепительнӧй.

«Менам сьӧлӧмӧй тэныд сьылӧ…»

KM 1

Ксения Мишарина унаысь нин петкӧдчыліс «Василей» фестиваль вылын.  Кольӧм во сылысь «Сьӧлӧм би» сьыланкывсӧ пасйисны видзӧдысьяслӧн призӧн. И таво «Нылӧ» композицияыс некодӧс  эз коль веськодьӧн. Коймӧд степеня  дипломысь кындзи сылы бара на вичмис видзӧдысьяслӧн приз.

ДЖЕНЬЫДА

КМ 2 2

Россияын медбуръяс лыдын

Федеральнӧй конкурс серти 2017 вося уджнысӧ донъялӧм бӧрын Комиысь куим велӧдчанін пыртӧмаӧсь Россияса сё медбур школа лыдӧ.

Тайӧ Сыктывкарысь 81 номера прогимназия, Воркутаысь челядьлӧн художественнӧй школа да Изьваса ДЮСШ, кытысь веськӧдлысьсӧ, Марина Артееваӧс (снимок вылын), пасйӧмаӧсь «Директор-2017» почёта знакӧн.

ӦТУВТЧӦМӦН уджавны

КМ 3 1

«Комиагрорегион» кооператив абу сӧмын Кулӧмдін районын, но и республикаын медводдза котыр, кытчӧ 2015 воын ӧтувтчисны Улыс да Вылыс Вочысь кык крестьянин да нёль ас овмӧс кутысьяс. Налӧн ӧтувъя зільӧм-водзмӧстчӧмыс петкӧдліс, мый вын серти бергӧдны видз-му уджсӧ и ылі сиктса ичӧт овмӧслы.

наверх