Некыдз оз кöсйы мунны

Менам керкаын регистрируйтчöмöн олö тöдсаöй. Öні ме ог нин кöсйы, медым сiйö оліс ме ордын, но, кыдз шуласны, сирасис да некыдз оз окотит  выпишитчыны ни мунны овны мöдлаö.

Мый вöчны меным? 

Сетам вочакыв. 

Медводз колö тшöктыны тöдсаыдлы, медым сiйö ас окота сертиыс выпишитчас да мунас тiян керкаысь. Оз кö кöсйысь, тi асьныд верманныд шыöдчыны судö, медым оланпас вылö подуласьöмöн нин мынтöдчыны тöдсасьыныд.

Судö колана документъяс дасьтöм могысь бурджык шыöдчывны отсöгла юрист дорö. Сьöмсö, кодöс мынтанныд сылы таысь, верманныд суд пырыс жö перйыны тöдсаыдлысь.

Но та могысь юристыскöд  колö кырымавны сылöн услугаясысь  мынтысьöм кузя  кабала.

Кор воас кад збыльмöдны судлысь помшуöмсö,  а тöдсаныд оз и лöсьöдчы муннысö, верманныд шыöдчыны отсöгла судприставъяс дорö, кодъяс мырдöн нин вöтласны сійöс тіян керкаысь.

 Вячеслав Попов.