Радио Юрган

Приёмная/факс: 8 (8212) 24-01-16

Электронный адрес:
smi-komimu@mail.ru

Адрес: 167982 Республика Коми, г.Сыктывкар, ул.Карла Маркса, д.229

Йитчыны миянкӧд

Skype пыр.

Связаться с нами

через Skype.

Коми йöзöдчан керка - 2017

Сергей ГАПЛИКОВ: «Коми мулӧн озырлуныс – ВӦР-ВА да ЙӦЗ»

KM 4 1

Коми Республикаса Юралысь Сергей Гапликовкӧд интервью дасьтысьяс — «Комиинформ» агентствоысь да «Республика» газетысь журналистъяс — кӧсйӧмаӧсь сёрнитны «коса», юасьны бӧръя вежонъясӧ медся тӧдчана удж да лоӧмторъяс йылысь: Президенткӧд «веськыд йитӧд», Россияса премьер-министр Дмитрий Медведевкӧд да Рытыв-Войвыв федеральнӧй кытшын Президентӧс петкӧдлысь Николай Цукановкӧд аддзысьлӧмъяс, «Интауголь» котырын мытшӧд-падмӧг да му-кӧдтор йылысь. Но ӧти юалӧм кыскӧма ас бӧрсяыс мӧдӧс, и сёрниыс артмӧма «ловъя» — олӧм, чужанін, служба йылысь...

И бара тутӧстіс ГОРН...

KM 11 1

Ме тӧдлі на сійӧ кадсӧ, кор ичӧт классъясын миянӧс примитлісны октябрятаӧ, морӧсӧ пысавлісны звёздочка, быдмыштӧм бӧрын сьыліӧ кӧртавлісны гӧрд галстук, а сэсся лоим комсомолечьясӧн. Быд тшупӧдӧ сувтігӧн ас водзӧ пуктывлім могъяс: бура велӧдчыны, радейтны чужан му, пыдди пуктыны ёртъясӧс, гырысьджыкъясӧс да с.в. И зілим кутны кывнымӧс.

Но кольӧм нэмся 90-ӧд воясӧ ставыс тайӧ бырис. Колисны сӧмын тайӧ кад йывсьыс бур казьтылӧмъяс.

«Кӧдзыд юрыд» ВЕНIС «пӧсь виртӧ»

KM 19 1

Кольӧм вӧскресенньӧӧ Санкт-Петербургын помасис футбол Конфедерация кубок вӧсна ордйысьӧм. Вель дыр мир пасьталаысь фанатъяс виччысисны турнирсӧ, а гаж-ордйысьӧмыс син лапнитігкості быттьӧ и помасис. Он тай бергӧд венласьӧмлысь шуда здукъяссӧ. Кодлы мойвиис — босьтіс награда, а мукӧдыслы ковмас видлыны шедӧдны медальястӧ 2018 воын, кор Россияын нуӧдасны мирса чемпионат.

Суседъясӧ ветлім…

KM 20 1

Кольӧм нэмся сизимдасӧд воясӧ ми ныв-пикӧд ветлім Белоруссияӧ гӧститны, олім рӧдвуж ордын Витебск карсянь неылын ичӧтик грездын.

Квайтымын во киас гудӧкӧн

KM 21 1

Июнь 25 лун. 2 час лун. Ыджыдвидз школаса актӧвӧй зал тыри йӧзӧн. Сэтчӧ найӧс чукӧртіс республикаын паськыда тӧдса морт – Кино Вась (Василий Вячеславович Попов). Аттьӧ колӧ висьтавны школаӧн веськӧдлысь Любовь Васильевна Габовалы, мый лэдзис велӧдчанінас концертсӧ нуӧдны, ӧд сиктса культура керкаын бисӧ кусӧдӧмаӧсь. А ӧнія аппаратураыд битӧг оз уджав.

Ыджыдвидзса кындзи гудӧк шысӧ да сиктса мортлысь сьылӧмсӧ кывзыны локтӧмаӧсь зулӧбса, джиянса, выльыбса, сыктывкарса. Да весиг и Сосногорскысь воӧмаӧсь.

Сьылыштам да йӧктыштам...

KM 24 1

Таво «Завалинка» ставроссияса фестивальсӧ вӧлі сиӧма балалайка вӧчалысь Семён Налимовлӧн чужан лунсянь 160 во тырӧмлы. Гаж дырйиыс сьылан-йӧктан сямсӧ петкӧдліс Комиысь да Россияса мукӧд  регионысь 25 творческӧй котыр.

Усьӧм лыдпас

khatanzeyskiy

Лов кыпӧдана юӧр!.. Али абу лов?.. Энлӧй. Стӧча кӧ шуны, экономика кыпӧдан юӧр. Тадзтӧ бурджык. И сідз...

А мый йылысь нӧ ме?.. Отпускалӧм водзад тадзи и эм – чемоданын кӧть юрын, ставыс гудыр-гадыр...

Генпрокуратуралӧн артасьӧм серти, кольӧм во Россияын взятка сетӧм-босьтӧм чинӧма быдса 17,2 прӧчент вылӧ: 2015 воын кӧ оланпастӧ торкӧмаӧсь 6.399 морт, 2016-ӧдын – 5.297. Сӧмын!..

Чужан лунӧн, Россия!

KM 1

Гажа сьылӧм-йӧктӧмӧн, ордйысьӧм-ворсӧмӧн, уна сикас выставка-петкӧдчӧмӧн пасйисны юркарсаяс да налӧн гӧсьтъяс Россиялысь лун, а сідзжӧ Сыктывкарлы 237 во тырӧм.

Вӧр-ватӧ минпромыд оз дорйы

Кольӧм воторникӧ республикаса правительстволӧн президиум видлаліс Комиын вӧр-ва дорйысьяслы зэв тӧдчана юалӧм, кодӧс регионса Юралысь Сергей Гапликовкӧд июнь 9 лунӧ аддзысьліганыс бара на кыпӧдісны «Изьватас» да «Коми войтыр» котыръясысь нырщикъяс Николай Рочев да Алексей Габов.

Казьтыштам, медшӧр сёрниыс налӧн вӧлі Комиын вӧр-ва доръян торъя министерство бӧр лӧсьӧдӧм йылысь. Алексей Габовлӧн видзӧдлас серти, тайӧ ведомствосӧ некыдз оз позь вӧлі ӧтувтны минпромкӧд, уджмогъясыс налӧн ёна торъялӧны да. Минпромлы медвойдӧр колӧ корсьны инвесторъясӧс, тшӧтш и суйӧр сайысь промышленникъясӧс, кодъяс вермасны вичмӧдны миян республикаын экономика водзӧ сӧвмӧдӧм вылӧ сьӧм. А вӧр-ва доръян министерстволӧн уджын медтӧдчанаыс – видзӧдны, медым минпромлӧн да промышленникъяслӧн ӧтувъя уджыс омӧль боксянь эз мӧрччы вӧр-валы. А суас кӧ нин ускӧттьӧыс, перйыны штрап либӧ мукӧд ногӧн чорыда ӧлӧдны оланпас торкалысьяссӧ. Министерстволӧн та вылӧ эм позянлуныс.

наверх